އާދަމް ޢަބްދުއްރަޙްމާން ގެ ލިޔުންތައް

އެންމެ ހުރި ދެރަ ކަންކަމީ ނެތިފާ ހަނދާން އުފެދުނުގޮތާ ދެން ނުލެވި ވިސްނާ މިދުނިޔޭން ފެންނަ ކުލަޔާ އިބުރަތާ އެންމެފަހު އޮތް ނިމުމަކުން ދުނިޔޭން ތިމާ ނިމިދާގޮތާ

ޒަމާނުގެ ބުރުޖަހާ ގަޑިއާ ހިނގާ އެ ގަޑީގެ ހުރި ކަށްޓާ ދަމާ ދެއަތުން އޮބައިގަނެގެން އެއެއް ނުލެވޭނެއޭ ހުއްޓާ ސަމާލުވެގެން މިއޮތް ސީދާ މަގުން ކުރިޔަށް ހިނގަން

ދިރުއްވެވި ކޮންމެ މަޚުލޫގެއް މަރުއްވާނޭ ޔަގީން ކަށަވަރު ބިރެއް ނެތި އަދު މަޖާކުރުމުން ދެމުން ނަފުސަށް ނުބައި ހިތްވަރު ކިރުއްވާ ޢަމަލު މައިދާނުން ނަތީޖާ އޮތް ވަރަށް

ހަސަދައިގެ ފަނި ތިބާ ހިތުގައި އުޅުނަކަސް ފިލާ އަސަރެއް އެއިން ނުވެސް ކުރެއޭ އަނެކަކަށް ހިލާ އަސަރުން ނުބައި ތިބާގެ ހިތޭ އޮވެދަނީ މިލާ މަސަލަސް އުފާތަކުން

ފިރިއެއްގެ ހުތުރު އަނިޔައިން ލީނަމަ ހިތުން ލަކުނުތައް އަނތްބެއްގެ ގެއްލިދާނޭ ކުލުނާ ރިވެތި އަދާތައް އަނތްބެއްގެ ބޭވަފާއިން ލީނަމަ ޒަހަރު ހަޔާތަށް ފިރިއެއްގެ މަރުވެދާނޭ ހުރި ހައިބަތާ

ހަޔާތުގެ ސިއްރު ހޯދޭނީ އުސޫލެއް ބާއްޖަވެރި ހޮވިގެން ގަޔާވާހެން ތަބާވާނޭ ގަވައިދެއް ހަރުދަނާ އޮވެގެން ވަޔާގޮސް އަޒުމުތައް ފުނޑުފުނޑު ނުވާ ސާބިތުކަމެއް ލިބިގެން ލަޔާގަތަކުން ޢަމަލު ސީދާ

ހަރުދަނާ މަތިވެރި އިމާރާތެއް ބިނާވާނީ މިތާ ހަރުހަވެތި އީމާނަކުން ބިންގާ އަޅައިގެންނޭ ހިތާ ދަރުމަވެރި ޒާދުން ހޮވައިގެން އަސްރަފީއާ މުތް އިތާ ފަރުދުނޭ ފަރުމާ ކުރާށޭ ފާރުތައް