މިއަދުގެ 18 މީހަކު ކޯވިޑަށް ޕޮޒިޓިވް ވެއްޖެއެވެ. މިހާރު ކުރިއަށްދާ ނޫސްވެރިންގެ ބައްދަލުވުމުގައި އެންއީއޯސީން ވިދާޅުވީ ބަލިޖެހުނު 18 މީހުންގެ ތެރެއިން 13 މީހުންނަކީ ދިވެހީން ކަމަށާއި ބިދޭސީ ފަސް މީހެއް ކަމަށެވެ.
ބަލިޖެހުނު ދިވެހީންގެ ތެރެއިން 6 މީހުންނަކީ ކުރިން ހޯދިފައިހުރި ކްލަސްޓަރަކާ ގުޅިފައިވާ މީހުންކަމަށް އެންއީއޯސީން ވިދާޅުވިއެވެ. އަދި ބިދޭސީންގެ ތެރޭގައި ވެސް ކުރީގެ ކްލަސްޓަރަކާ ގުޅިފައިވާ މީހަކު ހިމެނޭ ކަމަށެވެ.
މީގެ އިތުރަށް މިއަދު ބަލިޖެހުނު މީހުންގެ ތެރޭގައި ގާތުން ފަރުވާދޭން ޖެހޭ މީހަކު ހިމެނޭ ކަމަށްވެސް ވިދާޅުވިއެވެ. އެމީހާއަކީ ޑައިބެޓިކް، އަދި ހައިޕަރޓެންޝަން ފަދަ ކަންކަމަށް ފަރުވާ ހޯދަމުންދާ މީހެއް ކަމަށް މަބްރޫކް ވިދާޅުވިއެވެ.
މިއަދު 18 މީހަކަށް ބަލި ޖެހުނު ނަމަވެސް 46 މީހަކު ބަލިން ފަސޭހަވެފައިވާ ކަމަށްވެސް އެންއީއޯސީން ވިދާޅުވިއެވެ.
