އައްޑޫސިޓީ ހިތަދޫ އަޝްރަފް މަންޒިލްގޭ ކޮޓަރިއެއްގައި އަލިފާނުގެ ޙާދިސާއެއް ހިނގައިފިއެވެ.
މީގެ އިރުކޮޅެއް ކުރިން ހިނގި މިހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ. ހާދިސާ ހިނގި ކަމުގެ މަޢުލޫމާތު ލިބުމާއެކު ސިފައިންވަނީ އެގެއަށް ގޮސް އަލިފާން ކޮންޓްރޯލް ކޮށްފައެވެ. އެހެންނަމަވެސް ޙާދިސާ ހިނގަން މެދުވެރިވި ސަބަބެއް އަދި އެނގިފައެއް ނުވެއެވެ. ޙާދިސާގެ މަޢޫލޫމާތު އެމްއެންޑީއެފަށް ލިބުނީ މިރޭ 10:30 އެހައިކަންހާއިރުއެވެ.
މަޢުލޫމާތު ލިބިފައިވާ ގޮތުގައި އެގޭ ރޯވި ކޮޓަރީގައިހުރި އެނދާއި، ގޮދަޑިއާއި، ބާލީހާއި، އަދިވެސް އިތުރު ބައެއްތަކެތި ވަނީ ބޭނުން ނުކުރެވޭ ވަރަށް އަނދައިފައެވެ. "ކޮޓަރީގައި ހުރި ހުރިހާ އެއްޗެއްހުރީ ބޭނުން ނުކުރެވޭ ވަރަށް އަނދައިފައި. އޭގެ ތަފްސީލެއް އަދި ނޭނގޭ،" އެސަރަހައްދުގައި ހުރި މީހަކު ކިޔައިދިނެވެ.
އެމްއެންޑީއެފް ފަޔަރުން މިހާރުވެސް ގެންދަވަނީ އެސަރަޙައްދުގައި ޙަރަކާތްތެރިވަމުންނެވެ.
