ދީޕިކާ އާއި ރަންވީރު ކައިވެނި ކޮށްފި

ދީޕިކާ ޕަދުކޯން އާއި ރަންވީރް ސިންހް މިއަދު ކައިވެނި ކޮށްފިއެވެ. މިކައިވެނި އޮތީ އިޓަލީގެ ލޭކް ކޯމޯ ގައެވެ. ކައިވެނީގެ ހަފްލާގައި ބައިވެރިވެފައިވަނި ދެފަރާތުގެ އާއިލާ މެންބަރުންނާއި ގާތް އެކުވެރިންނެވެ. ބޮލީވުޑް ޚަބަރުތައް ބުނާގޮތުން ރައްމިއްޔާތުގެ އެއްވެސް ފޮޓޯ އެއް ސޯޝަލްމީޑިއާގައި ހިއްސާ ނުކުރުމަށް ދެތަރީން ވަނި އަންގާފައެވެ.

މިއަދު ކައިވެނި ކުރެވުނީ ދެކުނު އިންޑިއާ ސްޓައިލަށެވެ. އަދި މާދަމާ އިން އުތުރު އިންޑިއާ ސްޓައިލަށް ކައިވެނި ކުރާނެ ކަމަށް އޭއެންއައި އިން ރިޕޯޓުކުރެއެވެ. ބޮލީވުޑް އާއިލާ އިން ރަންވީރް އާއި ދީޕިކާ އަށް އެންމެ ފުރަތަމަ ތަހުނިޔާ ފޮނުވީ މަޝްހޫރް ޕްރޮޑިއުސަރ-ޑައިރެކްޓަރ، ކަރަން ޖޯހަރް އެވެ.

ކައިވެނީގެ ހަފްލާ އަށް އިޓަލީގެ ސެކިއުރިޓީ އެޖެންސީ އެއް ވަނީ ހަޔަ ކޮށްފައެވެ. މިއަދުގެ ހަފްލާ ކުރއިށް ދިޔައީވެސް ސެކިއުރިޓީ ވަރަށޤ ވަރުގަދަކޮށްގެން ކަމަށް ފޮޓޯ ޖާނަލިސްޓުންވަނީ ބުނެފައެވެ.  

 

މަނާހިލް
މަނާހިލްއަކީ ކުރިއަރަމުން އަންނަ ކުޅަދާނަ ލިޔުންތެރިއެކެވެ. އެކި ދާއިރާތަކަށް ފަސޭހަ ކަމާއެކު ލިޔުއްވާ ވިސްނުންތެރި ލިޔުންތެރިއެކެވެ. ފިލްމީ ލިޔުމާއި، ޚަބަރާއި، ކެއްކުމުގެ ހުނަރާއި، ފަންނީ ލިޔުންތައް އޮޅުން ފިލަން ފަސޭހަ ގޮތަކަށް ލިޔުއްވާ ލިޔުންތެރިއެކެވެ.

ޚިޔާލު ފޯމު

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.