ސެޕްޓެމްބަރ 23 ގައި ބާއްވާ ރިޔާސީ އިންތިޚާބަށް ކުރިމަތިލުމުގެ މުއްދަތު އިލެކްޝަންސް ކޮމިޝަން (އީސީ) އިން އިތުރު ކޮށްފިއެވެ.
އީސީ އިން ކޮށްފައިވާ އިއުލާނެއްގައި ބުނެފައިވަނީ މުއްދަތު އިތުރުކޮށްފައިވަނީ އޯގަސްޓް 10 ގެ ނިޔަލަށް ކަމަށެވެ. ކުރިން އޮތް ގޮތުން އެ މުއްދަތު ހަމަވާނީ އޮގަސްޓް 4 ގައެވެ.
އީސީން މިހާރުވަނީ ރިޔާސީ އިންތިޚާބަށް ކުރިމަތިލުމުގެ ފުރުސަތު ހުޅުވާލައިފައެވެ. އިންތިޚާބަށް ކުރިމަތިލާ މީހުންގެ އެޕްލިކޭޝަން ފޯމުތައް މިއަދުން ފެށިގެން އޮގަސްޓް 10 އާ ހަމައަށް ބަލައިގަތުމަށް އެކޮމިޝަނުން މިހާރު ވަނީ ނިންމައިފައެވެ.
އެ މުއްދަތުގައި ކޮންމެ ދުވަހެއްގެ ވެސް ހެނދުނު 9:00 އިން މެންދުރު ފަހު 2:00 އަށް އިލެކްޝަން ކޮމިޝަނުން ފޯމް ބަލައިގަންނާނެއެވެ. އެ މުއްދަތުގައި ހުކުރު ދުވަހު ފޯމް ބަލައިގަންނާނީ މެންދުރުފަހު 2:00 އިން ހަވީރު 4:00 އާ ހަމައަށެވެ.
