ވެރިންނަކީ ، މީސްތަކުންގެ މައްޗަށް ، ﷲ ސުބްޙާނަހޫ ވަތަޢާލާ ފޮނުއްވާ ބަޔެކެވެ. ވެރިކަން ހޯދަން ކިތަންމެ މަސައްކަތެއް ކުރިޔަސް ، ﷲ މިންވަރު ކުރައްވާ ގޮތެއްގެމަތިން ނޫނީ ، އެކަމެއް ނުލިބޭނެއެވެ. އެއީ ، ކޮންމެ ކޮންމެ މީހަކަށް ލިބޭ ކަމެއްނޫނެވެ. ވެރިކަން ލިބޭނީ އެކަލާނގެ އިރާދަކުރައްވާ މީހަކަށެވެ. ކިތަންމެ ވަރަކަށް މީސްތަކުން ބައިބައިކޮށްގެން ، ތިމާގެ ކޮޅަށް ބައިގިނަކޮށްގެން ، ވެރިކަން ހޯދަން މަސައްކަތް ކުރިޔަސް ، ވެރިކަން ލިބޭނީ ﷲ އިރާދަކުރައްވާ މީހަކަށެވެ.
ވެރިންނަކީ ، އެބައިމީހުންގެ މައްޗަށް މަސްއޫލިއްޔަތު ތަކަކާއި ވާޖިބުތަކެއް މަތިކުރައްވާ ، ﷲ ސުބްޙާނަހޫ ވަތަޢާލާ ޙަވާލުކުރައްވާ އަމާނާތެކެވެ. ވެރިކަމުގެ ބާރުގެ ދަށުގައި ތިބޭބަޔަކަށް ، ޢަދްލުވެރިވެ އިޙްސާންތެރިވާން ޖެހެއެވެ. އަމާނާތްތެރިވެ އެބައިމީހުންގެ މައްޗަށް ހެޔޮކޮށްހިތާން ޖެހެއެވެ. އެބައިމީހުންގެ ދިރިއުޅުން ފަސޭހަކޮށްދޭން ޖެހެއެވެ. ޟަރޫރީ ބޭނުންތައް ފުއްދައިދޭން ޖެހެއެވެ. ހަމައެއާއެކު ، އެބައިމީހުންގެ ޙައްޤުތައް ރައްކާތެރިކޮށްދޭން ޖެހެއެވެ. އެބައިމީހުންނަށް މިލްކުވެގެންވާ ތަކެއްޗަށް މަސްއޫލުވާން ޖެހެއެވެ. އެއިން އެއްޗެއް އުނިކޮށް ، އެއިން އެއްޗެއްގައި ޖެހިގެން ނުވެއެވެ.
ﷲ ސުބްޙާނަހޫ ވަތަޢާލާގެ ވަޙީބަސްފުޅު ، ކީރިތި ޤުރުއާނުގެ ހޫދު ސޫރަތުގެ 85 ވަނަ އާޔަތުގެ މާނައިގާ ވެއެވެ. " ތިޔަބައިމީހުން ، މިނުމާއި ކިރުން ޢަދުލަށް ފުރިހަމަ ކުރާށެވެ. އަދި ، މީސްތަކުންނަށް އެއުރެންގެ ތަކެތި އުނި ނުކުރާށެވެ. އަދި ، ފާސިދުންކަމުގައި ވެތިބެ ، ތިޔަބައިމީހުން ، ބިމުގައި ފަސާދަ ނުކުރާހުށިކަމެވެ. "
ސުލައިމާނު ޢަލައިހިއްސަލާމަކީ ، ދުނިޔޭގައި ނެތްފަދަ ރަސްކަލެކެވެ. އެކަލޭގެފާނުގެ ރަސްކަން ދުނިޔޭގެ ހުރިހާބިތެއްގައި އޮތެވެ. އެކަލޭގެފާނުގެ ތަނަވަސްކަމާއި މުއްސަނދިކަން ، ދުނިޔޭގެ ހުރިހާ ބިތަކަށް ފެތުރި ، ބެހިގެންގޮސްފައި އޮތެވެ. އެކަލޭގެފާނުގެ ތަނަވަސްކަމާއި މުއްސަނދިކަމުން ، އެކަލޭގެފާނަށް އީމާންވީ މީސްތަކުންގެ ދިރިއުޅުން ފާގަތިވެ ، ތަނަވަސްވެގެން ގޮސްފައި ވިއެވެ. މީސްތަކުންގެ ހިތްތަކަށް ހަމަޖެހުމާއި އުފާވެރިކަން ގެނެސްދީފައި އޮތެވެ.
ޞަޙީޙު މުސްލިމް ( 9 ވަނަ ބާބުގެ 89 ވަނަފޮތުގެ 264 ވަނަ ޙަދީސް ) ގައި ބަޔާންވެގެން ވެއެވެ. " ވެރިޔަކު ، އޭނާގެ ބެލުމުގެ ދަށުގައިވާ މީސްތަކުން ، ތެދުވެރި ހިތަކުން އިޚުލާޞްތެރިކަމާއެކު ނުބަލަހައްޓައިފިނަމަ ، ސުވަރުގޭގެ ވަސްވެސް އޭނާއަކަށް ނުފޯރާނެއެވެ. "
ޢުމަރުގެފާނަކީ ، އިސްލާމީ އުއްމަތުގެ ދެވަނަ ޚަލީފާއެވެ. އެއީ އިސްލާމީ އުއްމަތް ދެކެފައިވާ އެންމެ މަތިވެރި އެއް ޚަލީފާއެވެ. މިއަދު ، އަޅުގަނޑުމެން މިދެކޭ " ގުޑް ގަވަރނަންސް " ގެ ހަމަތަކާއި އުޞޫލުތަކުގެ އަސާސްތައް ދުނިޔެއަށް ތަޢާރުފް ކުރެއްވީ އެކަލޭގެފާނެވެ. ސަރުކާރުގެ އިސްވެރިންގެ ކަރަޕްޝަނުގެ މައްސަލަތައް ބެއްލެވުމަށް ޚާއްޞަ ވަކި ޑިޕާޓްމަންޓެއް އެކަލޭގެފާނުގެ ޚިލާފަތުގައި އުފެއްދެވިއެވެ. ސަރުކާރުގެ އިސްވެރިންގެ ކަރަޕްޝަނުގެ މައްސަލަތައް ، އެއްވެސް ބިރެއްނެތި އެޑިޕާޓްމަންޓަށް ހުށަހެޅޭނެއެވެ. ޚިޔާނާތާއި ރިޝްވަތުގެ ޢަމަލުތަކަކީ އެދުވަސްވަރު ، މުޅިން ނެތިއޮތް ކުށެކެވެ.
ސަރުކާރުގެ އިސްވެރިއެއްގެ ގޮތުގައި ، ނުވަތަ ސަރުކާރުގެ ތެރެޔަށް ނަހަމަ ނުފޫޒެއް ފޯރުވޭފަދަ ބާރުވެރިކަމެއްގައި ހުރި މީހަކަށް ، އެއްވެސް ޕްރޮޖެކްޓަކުން އެއްވެސް މިންވަރެއްގެ މަންފާއެއް ލިބުމަކީ މަނާކަމެކެވެ. އެބައިމީހުންނަށް ލިބޭނީ ހަމައެކަނި އެމީހުންގެ މުސާރައެވެ. އަލްހާރިޘް އިބްނު ކަޢުބު އިބްނު ވަހުބަކީ ، ގަވަރުނަރެކެވެ. އޭނާއަށް ލިބިވަޑައިގަންނަވާ މުސާރައިގެ އިތުރަށް ފައިސާ ގެންގުޅުއްވާކަމުގެ މަޢުލޫމާތު ލިބިވަޑައިގެން ، ޢުމަރުގެފާނުގެ އަރިހަށް އޭނާ ގެންނެވިއެވެ. އަދި އެފައިސާއާ ބެހޭގޮތުން ސުއާލު ކުރެއްވިއެވެ. އަލްހާރިޘް ، ޢުމަރުގެފާނަށް ދެންނެވީ އެއީ ، އޭނާ ވިޔަފާރިއެއް ކުރައްވައިގެން ފައިދާއަށް ލިބިވަޑައިގެންނެވި ފައިސާ ކަމުގައެވެ. އެހެންނަމަވެސް ، އަލްހާރިޘްއަށް ފައިދާގެ ގޮތުގައި ލިބިވަޑައިގެންނެވި ފައިސާ ބައިތުލްމާލަށް ނެންގެވިއެވެ.
އެއްވެސް މުހުތާދަކަށް ބޭނުންވެފައިވާ މީހަކު އުޅޭތޯ ބެއްލެވުމަށްޓަކައި ، މަދީނާގެ މަގުތަކުގައި ހިންގެވުމަކީ ޢުމަރުގެފާނުގެ އާދަފުޅެކެވެ. އެއްރެޔަކު ، އެކަލޭގެފާނަށް އަންހެނަކު ފެނިވަޑައިގަތެވެ. އެއަންހެންމީހާ ، އުނދުނަށް އުދާފައިވާ ކަންވާރަށް އަޅަފައިހުރީ ހިލައެވެ. އަންހެންމީހާގެ ބޭނުމަކީ ، އޭނާ ، ކާއެއްޗެއް އެބަ ކައްކާކަން އޭނާގެ ދަރިންނަށް އަންގައި ދިނުމެވެ. އަދި ގިނައިރުވެގެންގޮސް ، އެކުދިންގެ ބަނޑުހައިކަންމަތީ ތިއްބާ އެކުދިންނަށް ނިދުމެވެ. ޢުމަރުގެފާނު ވަޑައިގަތުމުން ، އެއީ އެބައިމީހުންގެ ޚަލީފާކަން ނޭނގިހުރެ ، އެއަންހެންމީހާ އެކުރާ ކަމަކާ އަދި އޭނާގެ ނިކަމެތި ޙާލަތާމެދު ، ޢުމަރުގެފާނަށްޝަކުވާ ދެންނެވިއެވެ. ޢުމަރުގެފާނު ފައިމަގުގައި ވަޑައިގެން ، ކޮނޑުފުޅުން ގޮދަން އުފުއްލަވައި ، އެއަންހެންމީހާއަށް ކާތަކެތި ގެންގޮސް ދެއްވިއެވެ. އެކަލޭގެފާނުގެ އަރިހުގައިވާ އެއްވެސްމީހެއްގެ އެހީތެރިކަމެއް ބޭނުމެއް ނުކުރައްވައެވެ. އެއަންހެންމީހާއަށް ކާތަކެތި ގެންގޮސްދެއްވީ އަމިއްލަފުޅަށެވެ. އެއާއެކު އެކަލޭގެފާނާ ﷲ ޙަވާލުކުރައްވާފައިވާ އަމާނާތަށް އިހުމާލުވެ ވަޑައިގެންނެވުނުކަމުގެ ހިތާމަފުޅު ކުރެއްވިއެވެ.
ރައްޔިތެއްގެ ޢަމަލުތައް ސީދާކުރުމުގައި މެދުވެރިވަނީ ސަރުކާރުގެ ވެރިންނާއި ސިޔާސީމީހުން އަދި ދީނީ އިމާމުންނެވެ. އެބައިމީހުންނަކީ ، ރައްޔިތުން އެކި ޙާލަތަށް ބަދަލުކޮށްލުމުގެ ނުފޫޒު ފޯރުވާ ދެބަޔެކެވެ. މިބައިމީހުންގެ ޢަމަލުތައް ސީދާ ވެގެންވާނަމަ ، ރައްޔިތުންގެ ޢަމަލު ސީދާވާނެއެވެ. އެބައިމީހުންގެ ޢަމަލުތައް ފާސިދުވެގެންވާނަމަ ، ރައްޔިތުންގެ ޢަމަލުތައް ފާސިދުވެގެންދާނެއެވެ.
ކޮންމެ މީހަކުވެސް ބަލަންވީ އެމީހެއްގެ އަމިއްލަ ނަފުސަށެވެ. ތިމާގެ ވަށައިގެން ހިނގަމުންދާ ކަންކަމަށް ވިސްނައި ފިކުރުކޮށް ، ސަރުކާރުންނާއި ސިޔާސީ މީހުން އަދި ، ދީނީ އިމާމުންގެ ޢަމަލުތައް ހުންނަނީ ކިހިނެއްތޯ ވިސްނައިލަންވީއެވެ. އެބައިމީހުންގެ ޢަމަލުތައް ދިރާސާކޮށް ، އެކަމާ ފިކުރުކޮށް ، އެންމެން އެކައްޗެއް ކިޔައިގެން ، އެއްގޮތެއްގައި ތިބެގެން ނޫނީ ، އިސްލާމީ އުޞޫލުތަކާއި ހަމަތައް އަޅުގަނޑުމެންގެ ދިރިއުޅުމަކުން ނުފެންނާނެއެވެ. ވެރިންނާއި ސިޔާސީ މީހުންނާ އަދި ދީނީ އިމާމުން ޖަވާބުދާރީ ކުރުވައި ، ފަރުދީ ޒިންމާ އުފުލައިގެން މެނުވީ ، ޤައުމުގެ މުސްތަޤްބަލް އުޖާލާވުމެއް ނެތެވެ. މިއީ ، ދިވެހިންގެ ވަޠަނެވެ. މި ވަޠަނަށް ވާންޖެހޭނީ ދިވެހިން ބޭނުންވާ ގޮތެކެވެ. މީހަކު ބޭނުންހާ ގޮތެއް މި ވަޠަނަށް ހެދިޔަދީގެން ނުވާނެއެވެ.
Hurihaa nubayaky kenereegey ga ulhey LGBT ah thaaeedhu kuraaakamah thuhumathu kurevey Nasheed
ޑިމޮކްރަސީ އޭކިޔާ އެއްޗެއް ގެނެސް ޙަރާމާއި ޙަލާލުގެ މަތިން މީހުން ހަނދާން ނައްޓުވައިލައިފިއެވެ. އޭގެބަދަލުގައި އަޑުއިވެނީ ޤާނޫނު އަސާސީއެވެ. އެޤާނޫނު އަސާސީ އަކީ ޤުރުއާނާ ސުންނަތާއި ކަނޑައެޅިގެން އިދިކީލަ އެއްޗަކަށްވިޔަސް ޑިމޮކްރަސީގައި "ފަރުޟު" ކޮށްފައިވަނީ ގިނަމީހުން ތާއީދުކުރާ ގޮތަށް ހަދާފައިވާ ހުކުމްތަކަށެވެ. ވީމާ އުފެދުމުގައިވެސް ބާޠިލު އެއްޗަކަށް ޑިމޮކްރަސީ ވެފައިވާއިރު އެއަށް ތަބާވާ އޭގެ އަޅުންނަށް ޚިޔާނާތުގެ ފައިސާއިން އަނބިދަރިންނަށް ކާންދިނުމަކީ އެއްވެސް ބިރުވެރި ކަމެއް ނޫނެވެ. ވަރަށްވެސް ބޮޑު ތެދުފުޅެކެވެ. އެބައިމީހުންގެ ޢަމަލުތައް ދިރާސާކޮށް ، އެކަމާ ފިކުރުކޮށް ، އެންމެން އެކައްޗެއް ކިޔައިގެން ، އެއްގޮތެއްގައި ތިބެގެން ނޫނީ ، އިސްލާމީ އުޞޫލުތަކާއި ހަމަތައް އަޅުގަނޑުމެންގެ ދިރިއުޅުމަކުން ނުފެންނާނެއެވެ. ވެރިންނާއި ސިޔާސީ މީހުންނާ އަދި ދީނީ އިމާމުން ޖަވާބުދާރީ ކުރުވައި ، ފަރުދީ ޒިންމާ އުފުލައިގެން މެނުވީ އަހުރެމެން ސަލާމަތް ވާކަށް ނެތެވެ.
Project thakun Bai naalhaaa minister eh counciler eh director eh procurement officer eh mihaaraku fennaakah neiy. Boa halaaku😭
Thieee onnanveee gotheve ...ekamaku mihaaraku thiyaeh fit nuveyey... Ehenve migenaeee Demo Cracy... Naimbehyaaa men lhavaaane