މާބްލް ބަރުކޮށްފައިހުރި ކޮންޓެއިނަރެއްގެ ތެރޭގައި ދެ ބިދޭސީން ތާށިވެ، އެކަކު މަރުވެއްޖެއެވެ.
މައުލޫމާތު ލިބިފައިވާ ގޮތުގައި މި ހާދިސާ ހިނގާފައިވަނީ ހުޅުމާލޭ ފޭސް 2 ގެ ޑިންގީ ޖެޓީ ސަރަހައްދުގައި ކޮންޓޭނަރަކުން މާބްލް ޝީޓްތަކެއް ހުސްކުރަން އުޅުމުގެ ތެރޭގައެވެ.
ފުލުހުން ބުނީ އެ ހާދިސާގައި ދެ މީހަކު ތާށީވެފައިވާއިރު، އެ ހާދިސާގެ މައުލޫމާތު 3:30 ހާއިރު ކަމަށެވެ.
އެ ހާދިސާގައި ކޮންޓެއިނަރ ތެރޭގައި ތާށިވި، ދެމީހުންގެ ތެރެއިން އެކަކަށް ހުޅުމާލޭ ހޮސްޕިޓަލުގައި ފަރުވާދެމުން އަންނަކަމަށް ވަނީ މައުލޫމާތު ލިބިފައެވެ.
އެހެންނަމަވެސް އޭނާއަށް ލިބިފައިވާ އަނިޔާގެ ތަފްސީލު އަދިހާމަވާގޮތެއް ނުވެއެވެ.
