ޢީދު ބަންދުގައި މޯލްޑިވިއަން އިން މެލޭޝިއާއަށް ކުރާ ޚާއްސަ ދަތުރުތަކުގެ އަގުތައް ހެޔޮކޮށްފިއެވެ.
މޯލްޑިވިއަން އިން ބުނީ މެލޭޝިއާއިން މާލެ އަށް ކުރާ ދަތުރަކަށް 159 ޑޮލަރު ނަގާއިރު، މާލެއިން މެލޭޝިއާ އަށް ދަތުރުކުރާ ނަމަ 150 ޑޮލަރު ނަގަން ހަމަޖައްސާފައިވާ ކަމަށެވެ.
390 ޑޮލަރު ނެގުމަށް ކުރިން ނިންމާފައިވީނަމަވެސް މިހާރު ދެކޮޅު ދަތުރުގެ އަގަކީ 309 ޑޮލަރެވެ. އަދި ކޮންމެ ފަސިންޖަރަކަށް 30 ކިލޯގެ ލަގެޖު އުފުލޭނެއެވެ.
މެލޭޝިއާ އަކީ ގިނަ ޢަދަދަކަށް ދިވެހިން ވެސް ގޮސް އުޅޭ އަދި އެ ގައުމުގައި ދިވެހިން ވެސް ދިރިއުޅޭ ގައުމަކަށްވާއިރު، މޯލްޑިވިއަން އިން ބުނީ މިހާ ބޮޑަށް އަގު ހެޔޮކުރީ މެލޭޝިއާގައި އުޅޭ ދިވެހި ކިޔަވާ ކުދިންނާއި އެހެން ދިވެހިންނަށް ޢީދު ޗުއްޓީ ރާއްޖޭގައި ހޭދަކުރަން ފުރުޞަތު ދިނުމުގެ ގޮތުން ކަމަށެވެ.
ކުޑަ އީދު ބަންދަށް ޚާއްސަކޮށް ކުރުމަށް ހަމަޖެހިފައިވާ މި ދަތުރުތައް ބޭއްވުމަށް ތާވަލުކޮށްފައިވަނީ މިމަހުގެ 28 ން މެއި 7 ވަނަ ދުވަހާއި ހަމައަށެވެ.
