ޕާކިސްތާނުގެ އަވަށެއްގައި ގިނަ ބަޔަކު އެއްވެ މީހެއްގެ ގައިގައި ގަލުން ތަޅައި މަރާލުމަށް ފަހު އޭނާގެ ހަށިގަނޑު ގަހެއްގައި އެލުވައިފިއެވެ.
ފުލުހުން ބުނި ގޮތުގައި ޕަންޖާބު ޕްރޮވިންސުގެ ޚާނޭވާލް ޑިސްޓްރިކްޓްގެ ޓުލަމްބާ އަވަށުގައި އާދީއްތަ ދުވަހު މިކަން ކޮށްފައި ވަނީ މެދު އުމުރުގެ އެ މީހާ ކީރިތި ޤުރްއާނުގެ ގަނޑުތަކެއް އިރައިލިކަމަށް ބުނެއެވެ.
އެވަށުގެ މިސްކިތުގެ އިމާމު ބުނިގޮތުގައި އެ މީހާ ވަނީ ކީރިތި ޤުރްއާނުގެ ގަނޑުތައް އިރައިލުމަށް ފަހު އޭގައި ރޯކޮށްލަފައެވެ. ފުލުހުންގެ ތަރުޖަމާނު ޗައުދަރީ އިމްރާން ބުނި ގޮތުގައި ފުލުހުންނަށް ރިޕޯޓުކުރުމުގެ ކުރިން އިމާމުމީހާ ވަނީ އާއްމުންނަށް އެވާހަކަ އަންގާފައެވެ.
އިމްރާން އިތުރަށް މައުލޫމާތު ދިން ގޮތުގައި ފުލުސް އޮފިސަރަކާ، ފުލުހުންގެ އިތުރު ދެ މީހަކު އެތަނަށް ދިޔައިރު ބަޔަކު އެ މީހާ ގަައިގައި ގަލުން ތަޅަނީއެވެ. އަދި އެތަނަށް ދިޔަ ފުލުހުންނާ ދިމާއަށްވެސް ގާއުކައި ޒަޚަމްކޮށްލިއެވެ. އެހެންކަމުން އިތުރު ފުލުހުން ގެނެސްގެން އެ ސަރަަހައްދަށް ދެވުނު އިރު، އެމީހާ އޮތީ ގަލުން ތަޅައި މަރާލުމަށް ފަހު ގަހެއްގައި އެލުވާފައެވެ. ފުލުހުން މައުލޫމާތު ދިން ގޮތުގައި މަރުވެފައި ވަނީ އުމުރުން 41 އަހަރުގެ މުޝްތާޤު އަޙްމަދެވެ.
އަވަށު ބައެއް މީހުން ބުނާ ގޮތުގައި އޭނާ އަކީ ސިކުނޑި ހަމަނުޖެހޭ މީހެެކެވެ.
ޕާކިސްތާނުގެ ބޮޑުވަޒީރު ވަނީ މިކަން ކުށްވެރިކުރައްވައި، އެއްވެސް ބަޔަކަށް 'ގާނޫނު އަތަށް ނެގުމުގެ' ފުރުސަތު ނުދެއްވާނެެކަމަށް ވިދާޅުވެފައެވެ. މިމައްސަލަ ތަހުގީގުކުރުމަށް ބޮޑުވަޒީރު އަންގަވާފައިވާއިރު، ފުލުހުން އިއްޔެ ބުނެފައިވަނީ، 120 ތަނެއް ފާސްކުރުމަށް ފަހު 85 މީހަކު ހައްޔަރުކޮށްފައިވާ ކަމަށެވެ. އަދި ހައްޔަރުކުރި މީހުންގެ ތެރޭގައި މަރުވި މީހާއަށް ހަމަލާދިނުމުގައި އިސްކޮށް އުޅުނު ބައެެއް މީހުންވެސް ހިމެނޭކަމަށް ވެއެވެ.
"އެެއްވެސް ބަަޔަކު ގާނޫނު އެބައިމީހުންގެ އަތަށް ނެގުމަށް އަހަރުމެންެގެ އޮތީ ޒީރޯ ޓޮލަރެންސް. އަދި ގިނަ ބަޔަކު އެއްވެ މީހަކަށް އަނިިޔާކޮށް މަރާލި މައްސަލަ ގާނޫނުގެ ފުރިހަމަ ބާރާއެކު ބެލޭނެ." އިމްރާން ޚާން ވިދާޅުވިއެވެ.
ބޮޑުވަޒީރު އިމްރާން ޚާންގެ އިތުރަށް އިދިިިކޮޅު ފަރާތްތަކުންނާއި، އިންސާނީ ހަައްގުތަކަށް މަސައްކަތްކުރާ ފަރާތްތަކުން ދަނީ ގިނަ ބަޔަކު އެއްވެ ހިންގި މި އަމަލު ކުށްވެރިކުރަމުންނެވެ.
ޕާންޖާބް ޕްލިސްގެ އިންސްޕެކްޓަރ ޖެނެރަލް ވިދާޅުވި ގޮތުގައި އޭނާ ވަނީ މި މައްސަލައިގެ އިބްތިދާއީ ރިޕޯޓެއް ޕަންޖާބް ޕްރޮވިންސްގެ ޗީފް މިނިސްޓަރު ޢުޘްމާން ބަޒްދާރަށް އަރުވާފައެވެ. އަދި ޗީފް މިނިސްޓަރު ވިދާޅުވިގޮތުގައި އޭނާ ވަނީ ގާނޫނީ ގޮތުން ފުރިހަމަކުރަން ޖެހޭ ހުރިހާ ކަމެއް ފުރިހަަމަކުރުމަށް ފަހު މައްސަލަ ކުރިއަށް ގެންދިއުމަށް އަންގަވާފައެެވެ.
ޚާނޭވާލްގައި މީހަކު މިގޮތަށް މަރާލާފައި މިވަނީ، ފާއިތު ޑިސެންބަރު މަހުގެ 3 ވަނަ ދުވަހު ބަޔަކު އެއްވެ އަނިޔާކޮށް ސްރީލަންކާ މީހާކު މަރާލާފައި ވަނިކޮށެވެ. އިސްލާމްދީނަށް ފުރައްސާރަކުރި ކަމަށްބުނެ އެމީހާ މަރާލާފައިވާއިރު، އެ މައްސަލައިގައި ގިނަ ބަަޔަކު ހައްޔަރުކޮށް ފުލުހުން ދަނީ މައްސަލަ ބަލަމުންނެވެ.
ޕާކިސްތާނުގެ ގާނޫނުގައި އިސްލާމްދީނަށް ފުރައްސާރަކުރުމަށް ބޮޑެތި އަދަބުތައް ކަނޑައެޅިފައި ވީނަމަވެސް، ގާނޫނާ ހަމައަށް ނުގޮސް އާއްމުން މިފަދަ މައްސަލަތަކުގައި އަތް އިސްކުރުމަކީ މަދުން ނަމަވެސް ހިނގާ ކަމެކެވެ.
