ގާތްގަނޑަކަށްހެން ހުސް ސިޑިބަރިތަކާއެކު ޓޯކިޔޯ އޮޮލިމްޕިކްސް 2020 ފެށުމުގެ ރަސްމިއްޔާތު މިރޭ ބާއްވައިފިއެވެ. 57 އަހަރަަށް ފަހު ޖަޕާނުގައި ބާއްވާ އޮލިމްޕިކްްސް މުބާރާތް 68 ހާސް ކުޅިބަލާމީހުންގެ ޖާގައިގެ ޓޯކިޔޯ އޮލިމްޕިކްސް ސްޓޭޑިއަމްގައި މިރޭ ރަސްމިއްޔާތު ބޭއްވި އިރު، ކުޅިބަލަން ތިބީ ހާހެއްހާ މީހުންނެވެ.
އޮލިމްޕިކް ސްޓޭޑިއަމް މިރަސްމިއްޔާތަށްޓަކައި ކިތަންމެ ފުރިހަމައަށް މަރާމާތުކޮށް އާބާތުރަ ފިލުވާފައިވީ ނަަމަވެސް، ދުނިޔޭގައި މިއަދު އޮތް ބަލިމަޑުކަމުގެ ހާލަތު ހަނދާންކޮށްދިން މި ރަސްމިއްޔާތު އެއް އަހަރަށް ފަސްކުރުމަށް ފަހު ބޭއްވި އިރު އަދިވެސް ދުނިޔެ ދަނީ ކޮވިޑް-19 އާ ހަނގުރާމަކުރަމުންނެވެ. ފެށުުމުގެ ރަސްމިއްޔާތުގައި ބޭއްވި ބަޑިބޭހުގެ ކުޅިވަރާއި، ނެށުމާއި، ސަގާފީ ކުޅިވަރުތައް ވެފައިވަނީ ޓީވީ ބެލުންތެރިންނަށް ދައްކަން ކުޅުނު މަންޒަރުތަކަކަށެވެ.
ކޮވިޑް-19 ފެތުރެމުންދާ ދުވަސްވަރެއްގައި ބާއްވާތީ ޖަޕާނުގެ ގިނަ ބަައެއްގެ ހިތްހަމަނުޖެހުމާ، ދެކޮޅު ހެދުމާއެކު މުބާރާތްކުރިއަށް ގެންދަން ނިންމިއިރު، މުބާރާތް އިންތިޒާރުކުރާ ފަރާތުން އުއްމީދުކުރަނީ، މުބާރާތުގައި ކުރިއަށްދާ ކުޅިވަރުތަކުގެ ފޯރި ފެންނަން ފެށުމުން ހިތްހަމަނުޖެހުމާއި، ދެކޮޅުހެދުން ނެތިގެން ހިނގައިދާނެ ކަމަށެވެ.
މިމަހުގެ ފުރަތަމަ ދުވަހުއްުސުރި އޮލިމްޕިކް ކުޅިވަރު މުބާރާތާ ގުޅުންހުރި 106 މީހަކު ވަނީ ކޮވިޑް-19 އަށް ޕޮޒިޓިވްވެފައެެވެ. އަދި ޓޯކިޔޯއިން 1359 މީހުން ޕޮޒިޓިވްވެފައި ވެއެވެ.
"މިއީ އުއްމީދުގެ ހިނދުކޮޅެއް." ޖަޕާނުގެ ރަސްގެފާނު ނަރުހީޓޯ ރަސްމީކޮށް މުބާރާތް ފަށްޓަވައިދެއްވުމުކުރިން މަރުހަބާ ދެންނެވުމަށް ދެއްކެވި ވާހަކަފުޅުގައި އިންޓަނޭޝަނަލް އޮލިމްޕިކް ކޮމިޓީގެ ރައީސު ތޯމަސް ބާކް ވިދާޅުވިއެވެ. "ތެދެއް. އަހަރުމެން އުންމީދުކުރިގޮތާ މުޅިންތަފާތު. އެެހެނަސް، އަހަރުމެން އެެންމެންނަށް މިތާ އެެއް ތިބެވުނީތީ މިވަގުތުކޮޅުގެ އުފާ ހާސިލުކުރަމާ ހިނގާ." އޭނާގެ ވާހަކަފުޅުގައި ވިދާޅުވިއެވެ.
އޭނާ ވަނީ ޖަޕާނު ރައްޔިތުންނަށްވެސް ޝުކުރުއަދާކުރައްވާފައެވެ. "މި މުބާރާތް ހަގީގަތަކަށް ހަދައިދިނީތީ ޖަޕާނު ރައްޔިތުންނަށް ޝުުކުރުއަދާކުރަން." އޭނާ ވިދާޅުވިއެވެ.
ޖިންސުގެ ހަމަހަމަކަން ރަމްޒުކޮށްދިނުމުގެ ގޮތުން ޖަޕާނުގެ އަންހެން ކުޅުންތެރިއެއް ކަމުގައިވާ ނައޯމީ އޮސާކާ އޮލިމްޕިކް ހުޅު ރޯކުރިއިރު، ހާޒިރުވެ ތިއްބެވީ ދުނިޔޭގެ 15 ވަރަކަށް ލީޑަރުންނެވެ. އެބޭފުޅުގެ ތެރޭގައި އެމެރިކާގެ ރައީސު ބައިޑަންގެ އަނބިކަނބަލުން ޖިލް ބައިޑަންވެސް އިންނެވިއެވެ.
މިފަހަރުގެ މުބާރާތް ފެށުމުގެ ރަސްމިއްޔާތުގައި ބައިވެރިވެފައި ވަނީ ގާތްގަނޑަކަށް 5700 ކުޅުންތެރިންނެވެ. މިއީ އެހެން އަހަރުތަކަށްވުރެ މާ މަދު އަދަދެކެވެ.
