މިއަދު ކޯވިޑް-19 އަށް ޕޮޒިޓިވް ވީ 78 މީހެކެވެ. މިއީ މިއަދު އިރު އޮއްސި 6 ޖެހުމާ ހަމައަށް ޕޮޒިޓިވް ވި މީހުންގެ އަދަދެވެ.
އެޗްޕީއޭއިން ހާމަކުރި ގޮތުގައި މިއަދު ޕޮޒިޓިވް ވި މީހުންގެ ތެރޭގައި ހިމެނެނީ 46 ދިވެއްސަކާއި، ބަންގްލަދޭޝްގެ 25 މީހަކާއި، އިންޑިއާގެ 4 މީހަކާއި ނޭޕާލުގެ މީހަކާއި ލަންކާގެ ދެ މީހެކެވެ. ބަލި ޖެހުނު މީހުންގެ ތެރެއިން 74 މީހުންނަކީ މާލެ ސަރަހައްދުން ބަލި ޖެހުނު މީހުންނެވެ. ރަށްރަށުން ބައްޔަށް ޕޮޒިޓިވް ވެފައިވަނީ 4 މީހެކެވެ.
ރާއްޖެއިން ޕޮޒިޓިވް ވި މީހުންގެ އަދަދު އުޅެނީ 5572 ގައެވެ. 3010 މީހަކު ބަލިން ރަނގަޅުވެފައިވާ އިރު މިހާތަނަށް 22 މީހަކު މި ބަލީގައި ނިޔާވެފައިވެއެވެ.
