ސްޕޭނާއި، ޖަރުމަނާއި، ފްރާންސްގެ ބައެއް ހިސާބުން ފަތުރުވެރިން ރާއްޖެ އައުމުން މަނާކޮށްފި ކަމަށް ޓޫރިޒަމް މިނިސްޓަރ އަލީ ވަހީދު ވިދާޅުވެއްޖެއެވެ.
ދަރުބާރުގޭގައި މިހާރު ކުރިއަށްދާ ނިއުސްކޮންފަރެންސްގައި ވާހަކަ ދައްކަވަމުން މިނިސްޓަރ ވިދާޅުވީ އެގައުމުތަކުގެ ބައެއް ސަރަހައްދުތަކުން މީހުންނަށް ރާއްޖެ ނާދެވެނީ މިރޭ ބާރައިގެ ފަހުން ނެވެ. އެގައުމުތަކުގެ ސިޓީތަކުގެ ތެރެއިން ރާއްޖެ ނާދެވޭނީ ކޮންސިޓީތަކަކުންކަން ފަހުން ހާމަކުރައްވާނެ ކަމަށެވެ.
އެމެރިކާއި އެފްރީގެ ޑޮކްޓަރުންގެ ޓީމެއް ބުރާސްފަތި ދުވަހު ރާއްޖެ އަންނާނެ ކަމަށް ވެސް މިނިސްޓަރ ވިދާޅުވިއެވެ. އަދި ވިލިވަރުގެ ފޭސް ދޭއް އިތުރުކުރާނެ ކަމަށް ވެސް ވިދާޅުވިއެވެ. އަދި ކުރިން ރިސޯޓެއްގެ ގޮތުގައި ހިންގި އއ. ވެލިދޫ އިތުރު ފެސިލިޓީއެއްގެ ގޮތުގައި ހަމަޖެހގެންދާނެ ކަމަށް ވެސް މިނިސްޓަރ ވިދާޅުވިއެވެ.
