އެމެރިކާ ގެ ރައީސްކަމާ ހަވާލުވެވަޑައިގެންނެވުމަށް ތައްޔާރު ވަމުންދާ ޑޮނަލްޑް ޓްރަމްޕް ދާދިފަހުން ދެއްވި އިންޓަރވިއުއެއްގައި ޔޫރަޕްގެ ކަންކަމަށް ފާޑުވިދާޅުވެފައިވާތީ އެކަމާ ފަރަންސޭސި ރައީސް ފްރަންސުއާ އޮލާންޑް އާއި އެހެން ބަޔެއް ބޭޅުން ނުރުހުން ފާޅުކުރައްވައިފިއެވެ. އެއިންޓަރވިއުގައި ޓްރަމްޕް ވިދާޅުވީ ޖަރމަނީ އަށް ހިޖްރަކުރުން ހުޅުވާލާފަ އޮތްއޮތުމަކީ ޗާންސެލާ އެންގެލާމަރކެލް އަށް ހެއްދެވުނު ވަރަށްވެސް ބޮޑު ގޯހެއްކަމުގައެވެ.
ފްރާންސްގައި ހުންނެވި އެމެރިކާގެ އެމްބެސެޑަރ މުއްދަތު ހަމަކުރައްވާ ވަޑައިގަންނަވާތީ އެމްބެސެޑަރ ޖޭން ހާޓްލީ އަށް "ލީޖަންއޮފް އޮނަރ " ގެ ޝަރަފް އެރުވުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުން ފަރަންސޭސި ރައީސް އޮލާންޑް ވިދާޅުވީ ޔޫރަޕްގެ ގައުމުތަކުން ކަންތައް ކުރަންވީގޮތް ، އެހެން ފަރާތްތަކުން ބުނެދޭން ނުޖެހޭ ކަމުގައެވެ. ޖަމަނީގެ ޗާންސެލަރ އެންގެލާ މަރކެލްވެސް ވަނީ ހަމަ މިމޭރުމުން ވާހަކަފުޅު ދައްކަވާފައެވެ. މަރކެލް ވިދަޅުވީ ޔޫރަޕުން ކުރާ ކަމެއްގެ ޒިންމާ ޔޫރަޕުން އުފުލާނެ ކަމަށާ ޔޫރަޕްގެ މުސްތަގްބަލް ގެ ކަންކަން ކަޑައަޅާނީ އަމިއްލަޔަށް ކަމުގައެވެ.
މިބޭފުޅުންގެ އިތުރުން އެމެރިކާގެ ސެކްރެޓަރީ އޮފް ސްޓޭޓް ޖޯން ކެރީ ވެސްވަނީ މިކަމުގައި ޓަރަމްޕް އާ ދެކޮޅަށް އެއްޗެއް ވިދާޅުވެފައެވެ. އެމެރިކާގެ ރައީސްކަމަށް އަރާވަޑައިގަތުމަށް ތައްޔާރުވެފައިވާ ބޭފުޅަކު އެހާސީދާ ގޮތެއްގައި އެހެން ގައުމު ތަކުގެ ކަންކަމާ ބެހިވަޑައިގަންނަވާ އިރު ، އަންނަ ހުކުރު ދުވަހުން ފެށިގެން ތިމަންނާވެސް މިގުޅުންތަކާ ޝާމިލްވާކަން ވިސްނާލައްވަން ޖެހޭ ކަމަށް ކެރީ ސީއެން އެން އަށް ވިދާޅުވެފައި ވެއެވެ.
ޓްރަމްޕްގެ އިންތަރވިއުގައި ބޭޓޯއަށްވެސް ވަރަށް ބޮޑަށް ފާޑުވިދާޅުވެފައި ވެއެވެ. ނޭޓޯ އަކީ ޒަމާނާ ނުގުޅޭ ބޯދާ ޖަމާއަތެއްކަމަށް ވިދާޅުވެފައިވެއެވެ.
