ރާއްޖޭގެ ހަތް ރަށެއްގެ ބަނދަރު ހެދުމުގެ މަސައްކަތް ޕްލޭނިން މިނިސްޓްރީން އެމްޓީސީސީއާ މިއަދު ޙަވާލުކޮށްފިއެވެ.
ބަނދަރު ހަދަން އެކުންފުންޏާ ހަވާލުކުރި ރަށްތަކަކީ އދ. މަންދޫ، ދ. ހުޅުދެލި، ފ. ދަރަނބޫދޫ، ނ. ލަންދޫ، ރ. ރަސްމާދޫ، ށ. ބިލެއްފަހި އަދި ށ. ޅައިމަގެވެ.
މަންދޫ ބަނދަރު ޑިޒައިން އެންޑް ބިޑު އުސޫލުން ހެދުމަށްޓަކައި އެޓީސީސީއާ ޙަވާލު ކޮށްފައިވަނީ 330 ދުވަހުގެ ތެރޭގައި ނިންމާ ގޮތަށެވެ. މަސައްކަތުގެ އަގަކީ 37,358,709 ރުފިޔާ އެވެ.
ދ. ހުޅުދެލީ ބަނދަރު އަޕްގްރޭޑު ކުރުމުގެ 362 ދުވަސްތެރޭ ނިންމާ ގޮތަށެވެ. އެމަސައްކަތުގެ އަގަކީ 39,829,878.87 ރުފިޔާއެވެ. ފ. ދަރަބޫދޫ ބަނދަރުވެސް ޖެހެނީ އަޕްގްރޭޑު ކުރާށެވެ. އެމަސައްކަތަށް 38,296,692.30 ޚަރަދުވަނީ ރުފިޔާއެވެ. މަސައްކަތް ނިންމަން އެއްބަސްވެފައިވާ މުއްދަތަކީ 397 ދުވަހެވެ.
ލަންދޫ ބަނދަރު ހެދުމަށް އެމްޓީސީސީއާ ޙަވާލުކޮށްފައިވަނީ 420 ދުވަސްތެރޭގައި ނިންނާ ގޮތަށް 35,603,963.70 ރުފިޔާއަށެވެ. ރ. ރަސްމާދޫގެ ބަނދަރުގެ މަސައްކަތް ނިންމުމަށް އެމެޓީސީސީ އިން އެއްބަސްވެފައިވާ މުއްދަތަކީ 365 ދުވަހެވެ. އެ މަސައްކަތުގެ އަގަކީ 19,055,312.60 ރުފިޔާއެވެ. އެ ބަނދަރުގައި ކުރަންޖެހޭ މަސައްކަތަކީ އަޕްގްރޭޑު ކުރުމެވެ. ށ. ބިލެތްފަހީގެ ބަނދަރުވެސް ޖެހެނީ އަޕްގްރޑު ކުރާށެވެ. އެމަސައްކަތް އެމްޓީސީސީއާ ޙަވާލުކޮށްފައިވަނީ 365 ދުވަސްތެރޭގައި ނިންމާ ގޮތަށް 31,607,039.72 ރުފިޔާއަށެވެ. ށ. ޅައިމަގު ބަނދަރު އަޕްގްޑޫ ކުރުމުގެ މަސައްކަތް 56,321,095.38 ރުފިޔާ އަށް އެމްޓީސީ ސީއާ ޙަވާލުކޮށްފައިވަނީ 480 ދުވަސްތެރޭގައި ނިންމާ ގޮތަށެވެ.
މިއިން ކޮންމެ ރަށެއްގެ ބަނދަރުގައި ވެސް ބޮޑުހިލައިގެ ބޭރު ތޮއްޓާއި، އެއްގަމު ތޮއްޓާއި ނެރުބައްތި ޖެހުމާއި، ބަނދަރު ބައްތިޖެހުމާއު، ޕޭވްމަންޓު ހެދުން ފަދަ މަސައްކަތްތައް އެމްޓީސީން ކުރަން ޖެހެއެވެ.
މިއެއްބަސްވުންތަކުގައި ޕްލޭނިން މިނިސްޓްރީގެ ފަރާތުން ސޮއި ކުރެއްވީ ޑިރެކްޓަރ ޖެނެރަލް ފާތިމަތު ޝަނާ ފާރޫގެވެ. އެމްޓީސީސީގެ ފަރާތުން ސޮއިކުރެއްވީ ސީއޯއީ ޝާހިދު ޙުސައިން މޫސާއެވެ.
