މިއަހަރުގެ ޖުލައި މަހުން ފެށިގެން އޮކްޓޯބަރ މަހުގެ ނިޔަލަށް އެޑިޔުކޭޝަން މިނިސްޓްރީން ކުރިއަށްގެންދިޔަ 'ކުދި ސްކޫލް ތަކަށް ފަންނީ އެހީތެރިކަން ފޯރުކޮށްދިނުމުގެ ޕްރޮގްރާމް' ނިންމާލައިފިއެވެ.
ޑިޕާޓްމަންޓް އޮފް އިންކްލޫސިވް އެޑިއުކޭޝަނުން ކުރިއަށް ގެންދެވި މި ޕްރޮގްރާމް ވަނީ 30 ސްކޫލެއްގައި ކުރިއަށް ގެންގޮސްފައެވެ. މިއިން ކޮންމެ ސްކޫލެއްގައި މި ޕްރޮގްރާމް ހިންގާފައިވަނީ އެއް ހަފްތާއަށެވެ. 30 ސްކޫލުގައިވަނީ ޖުމުލަ 609 ޓީޗަރުންނަށާއި، 2608 ދަރިވަރުންނަށާއި، 1486 ބެލެނިވެރިންނަށް ވަނީ ފަންނީއެހީތެރިކަން ފޯރުކޮށްދީފައެވެ. އަދި ސްކޫލުތަކުގެ ޓީޗަރުންނާއެކު ލެސަންޕްލޭން ހައްދުވާ، އައި.އީ.ޕީ ހައްދުވާ ކޯޓީޗިންގ މޮޑެލް ބޭނުންކޮށް ކިޔަވައިދިނުން ވެސް ވަނީ މި ޕްރާގްރާމުގައި ކުރިއަށް ގެންގޮސްފައެވެ.
މީގެ އިތުރުން އުނގެނުމުގައި ބޭނުންކުރާނެ ތަފާތު ވަސީލަތްތައް މާހައުލުންލިބޭ ތަކެތި ބޭނުންކޮށްގެން ތައްޔާރުކުރުމުގެ ސެޝަންސްތައް ބާއްވައި އެތަކެތި ސްކޫލުތަކައް ހަދިޔާ ކޮށްފައިވެއެވެ.
މި ޕްރޮގް ކާމިޔާބުކަމާއިއެކު ކުރިއަށްގެންދެވުނީ މާލޭގައި މި ދާއިރާގައި އިސްކޮށް މަސައްކަތްކުރަމުންދާ ސްކޫލުތަކުގެ އެއްބާރުލުމާއެކު ކަމަށް އެޑިޔުކޭޝަނުން ވިދާޅުވިއެވެ. މިގޮތުން އިމާދުއްދީން ސްކޫލް، ޣާޒީ ސްކޫލް، އަމީނިއްޔާ ސްކޫލް، ތާޖުއްދީން ސްކޫލް، މުހުޔިއްދީން ސްކޫލް، ޖަމާލުއްދީން ސްކޫލް، އަދި ޝަރަފުއްދީން ސްކޫލުގެ އިންކްލޫސިވް ލީޑިން ޓީޗަރުންނާއި ޓީޗަރުން މި ޕްރޮގްރާމަށް ވަގުތު ދެއްވައި، ހިއްވަރާއިއެކު މަސައްކަތް ކޮށްދެއްވައިފައިވެއެވެ. އެހެންކަމުން އެޑިޔުކޭޝަނުންވަނީ އެ ބޭފުޅުންނަށާއި ސްކޫލުގެ މެނޭޖްމަންޓަށް އަދާކުރައްވައިފައެވެ. ކުރިއަށްއޮތްތަނުގައި ވެސް އެތަންތަނުގެ އެހީތެރިކަން ލިބޭނެ ކަމަށް އުންމީދު ކުރައްވާ ކަމަށް އެޑިޔުކޭޝަނުން ވިދާޅުވިއެވެ.
