"އޮންކޯ ސްޕެކްޓްރާ" ގެ ނަމުގައި ޑޮކްޓަރ ރެޑީސްގެ ފަރާތުން އިސް ނަގައިގެން ހުޅުލޭ އައިލެންޑް ހޮޓަލުގައި މަހާސިންތާއެއް ފަށައިފިއެވެ. މި މަހާސިންތާގައި ސަތޭކައަށްވުރެ ގިނަ ބައިވެރިން ތިއްބެވިއެވެ. މިއަދުގެ މަހާސިންތާއަށް ފަހު މާދަމާ ނަުރުހުންނަށް ޚާއްސަކޮށް މުޅި ދުވަހު ހިންގާ ތަމްރީނު ޕްރޮގްރާމެއް އޮންނާނެއެވެ.
04 އޯގަސްޓް 2019 – އެސްޓީއޯގެ ފަރާތުން ސިއްހީ ދާއިރާ ކުރިއެރުވުމަށް މިހާތަނަށް ވަނީ ވަރަށް ގިނަ ވޯކްޝޮޕްތަކާއި ކޮންފަރެންސްތަށް ބާއްވާފައެވެ. މިގޮތުން ސަތޭކައަށްވުރެ ގިނަ ބައިވެރިންނާއެކު މިއަދު ވަނީ 'އޮންކޯ ސްޕެކްޓްރާ' ގެ ނަމުގައި ކޮންފަރެންސެއް ހުޅުލެ އައިލެންޑް ހޮޓެލްގައި ބާއްވާފައެވެ. އަދި މި ކޮންފަރެންސްގައި ބައިވެރިވި ނަރުހުންނަށް ހާއްސަ ފުލް ޑޭ ޓްރެއިނިންގ ޕްރޮގްރާމްއެއް 05 އޮގަސްޓްގައި ކުރިއަށް ގެންދެވޭނެއެވެ.
މި މަހާސިންތާގެ މައިގަނޑު މަގްސަދަކީ ކެންސަރުގެ ބަލިތަކާ އަދި އެބަލިތަކަށް މިހާރު ލިބެންހުރި ބޭސްފަރުވާގެ މައުލޫމާތާއި، ކުރިން ރާއްޖެއިން ލިބެންނެތް ފަރުވާތަކާއި ބޭސްތައް އަލަށް ތައާރަފް ކޮށްދިނުމެވެ. މީގެ ސަބަބުން ރާއްޖޭގައި ކެންސަރު ބަލިތަކަށް ފަރުވާ ބޭނުންވާ ފަރާތްތަކަށް ރާއްޖެއިން ބޭރަށް ނުގޮސް ފަރުވާ ހޯދުމުގެ ފުރުސަތު ފަހިވެގެން ދާނެއެވެ.
މިކޮންފަރެންސްގައި އައި.ޖީ.އެމް.އެޗް، އޭ.ޑީ.ކޭ ހޮސްޕިޓަލް، ހުޅުމާލެ ހޮސްޕިޓަލް އަދި ޓްރީޓޮޕް ހޮސްޕިޓަލްގެ ޑަކުޓަރުންނާއި، ނަރުހުންނާއި ލެބޯރެޓަރީ ޓެކްނީޝަނުން ވަނީ ބައިވެރިވެފައެވެ.
މި މަހާސިންތާ އިންތިޒާމުކުރެވިފައިވަނީ އެސްޓީއޯ އާއި ކެންސަރ ސޮސައިޓީ އޮފް މޯލްޑިވްސް އާއި އާސަންދަ ކޮމްޕެނީ ޕްރައިވެޓް ލިމިޓެޑްގެ އިތުރުން ވިލިމާލެ ހޮސްޕިޓަލުގެ ބޮޑު އެހީތެރިކަމެއް ލިބިގެންނެވެ.
Liyuntheriyaage tha-aaraf ?