ޖަރުމަން ބަލިކޮށް ފުޓްބޯޅައިން އޮލިމްޕިކްސްގެ ރަން މެޑަލް ބްރެޒިލް ހޯދައިފިއެވެ.
ދުނިޔޭގެ ފުޓްބޯޅައިގެ އެންމެ ކާމިޔާބު ޤައުމުކަމަށްވާ ބްރެޒިލްއަށް މިހާތަނަށް އޮލިމްޕިކްސް ގައި ފުޅުބޯޅައިން ރަންމެޑަލް ހޯދިފައެއް ނުވެއެވެ. 1984، 1988 ، 2012 މިއަހަރުތަކުގައި ބްރެޒިލް ވަނީ އޮލިމްޕިކްސްގެ ފުޓުބޯޅައިގެ ފައިނަލްގައި ވާދަކޮށް ބަލިވެފައެވެ.
މިފަހަރު ފުރަތަމަފަހަކަށް އޮލިމްޕިކްސްގެ ފުޅުބޯޅައިން ބްރެޒިލް ރަންމެޑަލް ހޯދީ ޕެނަލްޓީ ޖަހައިގެން ޖަރުމަނު ބަލިކޮށްފައެވެ.
ރޭ ކުޅުނު ފައިނަލްމެޗުގެ ފުރިހަމަ ވަގުތު ހަމަވީ ދެ ޓީމު 1-1 އިން އެެއްވަރުވެގެންނެވެ. ނަތީޖާ ނެރެން ޕެނަލްޓީ ޖަހައިގެން ބްރެޒިލް މެޗު ކާމިޔާބުކުރީ 5 - 4 އިންނެވެ.
މެޗުކާމިޔާބުކުރި ޕެނަލްޓީ ބްރެޒިލްއަށް ކާމިޔާބުކޮށްދިނީ ކެޕްޓަން ނޭމާ އެވެ.
