މިދިޔަ މެއި މަހު ރާއްޖޭގެ ރަސްމީ ރިޒާވް 10 ޕަސެންޓް ދަށަށް ގޮސްފައިވާ ކަމަށް މަރުކަޒީ ބޭންކް (އެމްއެމްއޭ) އިން ހާމަކޮށްފިއެވެ.
ރާއްޖޭގެ މަރުކަޒީ ބޭންކް އެމްއެމްއޭއިން އާންމުކޮށްފައިވާ މެއި މަހުގެ އިޤްތިސާދީ ރިވިއުގައި ވާގޮތުން މެއި މަސް ނިމުނުއިރު ރާއްޖޭގެ ރިޒާވްގައިހުރީ 624( ހަސަތޭކަ ސައްވީސް) މިލިއަން ޑޮލަރެވެ. މިއީ މިދިޔަ އަހަރުގެ މެއި މަހާ އަޅާބަލާއިރު 11 ޕަސެންޓް ދަށް އަދަދެކެވެ.
ރާއްޖޭގެ ރަސްމީ ރިޒާވް ދަށަށް ގޮސްފައިމިވަނީ ފާއިތުވި އޭޕްރީލް މަސް ނިމުނުއިރު ރާއްޖޭގެ ރަސްމީ ރިޒާވް 707.2 މިލިއަން ޑޮލަރު މައްޗަށް އުފުލުމަށް ފަހުއެވެ. އެމްއެމްއޭ އިން ބުނި ގޮތުގައި ފެބްރުއަރީ މަސް ނިމުނުއިރު ރާއްޖޭގެ ރަސްމީ ރިޒާވްގެ ގޮތުގައި 707.2 މިލިއަން ޑޮލަރު ލިބިފައިވެއެވެ.
