ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، މިއަދު މެންދުރުފަހު ފެލިދެ އަތޮޅު ފެލިދޫއަށް ވަޑައިގެންފިއެވެ.
ރައީސުލްޖުމްހޫރިއްޔާގެ މި ދަތުރުފުޅުގައި ފެލިދޫއަށް ވަޑައިގެން، އެރަށުގެ ރައްޔިތުންނާ ވަނީ ބައްދަލުކުރައްވައިފައެވެ. ރައީސް ގެންދަވަނީ ރަށްރަށަށް ވަޑައިގެން ރައްޔިތުންގެ ހާލުއަހުވާލު ބައްލަވައި ރައްޔިތުންނަށް ބޭނުންވާ ކަންކަން އޮޅުން ފިލުއްވަމުންނެވެ.
ކުރިއަށްއޮތް ރިޔާސީ އިންތިޚާބުގައި ޕީޕީއެމްގެ ރިޔާސީ ކެންޑިޑޭޓެއްގެ ހައިސިއްޔަތުން ވާދަކުރައްވަނީ ވެސް އެމަނިކުފާނެވެ އެހެން ކަމުން ރަށްރަށަށް ކުރައްވަމުން ގެންދަވާ ދަތުރުފުޅުގައި އެމަނިކުފާނު ގެންދަވަނީ ތާއީދު އިތުރު ކުރެއްވުމަށް ކެމްޕޭން ވެސް ކުރައްވަމުންނެވެ.
ރައީސް މިއަދުވަނީ ފުލިދުއަށް ވެސް ވަޑައިގެންފައެވެ. އަދި އެރަށުގެ ރައްޔިތުންނާ ވެސް ރައީސް ބައްދަލުކުރެއްވިއެވެ.
