ރާއްޖޭގެ ޚާއްސަ އިގްތިސާދީ ސަރަހައްދު ބެލުމުގެ ސަވައިލަންސް އޮޕަރޭޝަނެއް ހިންގައިފި ކަމަށް އެމްއެންޑީއެފުން ވިދާޅުވެއްޖެއެވެ.
އެތަނުން ވިދާޅުވެފައިވަނީ އެއީ އެމްއެންޑީއެފްގެ ކޯސްޓްގާޑާއި އިންޑިއާގެ ނޭވީ ސިފައިން ގުޅިގެން ހިންގި އޮޕަރޭޝަނެއް ކަމަށެވެ.
މިއީ ދިވެހިރާއްޖޭގެ އީއީޒެޑް ސަރަޙައްދު ބެލެހެއްޓުމަށް ސިލްސިލާކޮށް ކުރިއަށްގެންދާ ސަވައިލެންސް އޮޕަރޭޝަނުގެ ތެރެއިން ހިންގި އޮޕަރޭޝަނެކެވެ. މިފަހަރުގެ އޮޕަރޭޝަން ކުރިއަށް ގެންގޮސްފައިވަނީ މިމަހުގެ 12 އިން 15 ވަނަ ދުވަހުގެ ނިޔަލަށް ކަމަށްވެސް އެމްއެންޑީއެފުން ވިދާޅުވެފައިވެއެވެ.
މި އޮޕަރޭޝަންގައި އިންޑިއާ ނޭވީގެ މަނަވަރާ އެކު އެމްއެންޑީއެފް ކޯސްޓްގާޑުގެ ޝިޕްތައް، ވަނީ ހަރަކާތްތެރިވެފައެވެ. ސަވައިލަންސް އެ އޮޕަރޭޝަންގައި ރާއްޖޭގެ ޚާއްސަ އިގަތިސާދީ ސަރަހައްދުގައި ޤާނޫނާއި ޤަވާއިދާ ޚިލާފަށް ކަނޑުމަތީގެ އެއްވެސް ކަމެއް ހިނގަމުންދޭތޯ ބަލާފައިވާ ކަމަށް އެމްއެންޑީއެފުން ވަނީ ވިދާޅުވެފައެވެ.
