ކޯވިޑް-19 ގައި ރޭ ދިވެހި ފިރިހެނަކު ނިޔާވެއްޖެއެވެ. މިއީ މި ބަލީގައި ރާއްޖެއިން ނިޔާވީ 66 ވަނަ މީހާއެވެ.
އުމުރުން 66 އަހަރުވެފައިވާ ފިރިހެނަކު ހޮސްޕިޓަލަށް ގެންދިޔައިރުވެސް ނިޔާވެފައިވާ ކަމަށް އެޗްޕީއޭއިން ވަނީ ހާމަކޮށްފައެވެ. މި މީހާއަކީ ކޯވިޑް-19 ގައި ފަރުވާ ދެމުން ގެންގޮސްފައިވާ މީހެއް ކަމެއް ނުވަތަ އެ ބަލި ޖެހިފައި ހުރިކަން ކުރިން އެނގިފައިވާ މީހެއް ކަމެއް އެޗްޕީއޭއިން ހާމަކޮށްފައެއް ނުވެއެވެ. ވުމާއެކު ބެލެވެނީ ނިޔާވީ ފަހުން ބައްޔަށް ޓެސްޓު ކުރިއިރު ޕޮޒިޓިވް ވެފައިވާ ކަމަށެވެ. އެހެންވީމާ އަމަލުކުރަމުންދާ އުސޫލުގެ މަތީން އެއީ ކޯވިޑް-19 ޖެހިގެން ނިޔާވީ މީހެއް ކަމަށް ކަނޑައެޅީއެވެ.
