ރޭފަތިހު 4:20 އެހައިކަންހާއިރު ދެ ދޯންޏެއް ޖެހި އެކްސިޑެންޓެއް ހިނގައިފިއެވެ.
ފުލުހުންވަނީ އެކްސިޑެންޓުވި ދެ ދޯނީގެ ކެޕްޓަނުންގެ ލައިސަންސް ހިފަހައްޓައިފައެވެ. މި ޙާދިސާ ހިނގާފައިވަނީ ކ. ގާފަރު ހުޅަނގުފަރާތު ކަނޑިންމައާ ދިމާ ކަނޑުމަތީންނެވެ.
މި ހާދިސާގައި އެއް ދޯންޏެއްގެ ވާތްފަރާތުކުރީ އަރިމަތިން ވަނީ 6 މަޑޫ ވަނީ ހަލާކުވެ ފަޅައިގެން ގޮސްފައެވެ. އަނެއް ދޯނީގެ ކަނާތްފަރާތު ކުރިން ދެތަނަކުން ވަނީ ގެއްލުން ވެފައި ކަމަށް ފުލުހުން ވިދާޅުވިއެވެ.
މި ހާދިސާގައި އެއްވެސް މީހަކަށް އަނިޔާއެއް ނުވެއެވެ. އެމައްސަލަ ބަލަމުންދާ ކަމަށް ފުލުހުންވަނީ ވިދާޅުވެފައެވެ.
