އިސްލާމީ ޔުނިވަރސިޓީ އޮފް މޯލްޑިވްސް މެދުކަނޑާނުލާ ކުރިއަށް ގެންދިއުމަކީ ސަރުކާރުގެ ސިޔާސަތު ކަމުގައި ރައީސް އިބްރާހީމް މުޙައްމަދު ޞާލިޙް ވިދާޅުވެއްޖެއެވެ. މިރޭ ކުރެއްވި ޓުވީޓެއްގައި ރައީސް ވިދާޅުވީ ތަޢުލީމަށް ހުޅުވިފައިވާ އެއްވެސް ފުރުސަތެއް މި ސަރުކާރުން ބަންދު ނުކުރައްވާނެ ކަމަށެވެ.
އިސްލާމިކް ޔުނިވާރސިޓީ އޮފް މޯލްޑިވްސްގެ ހިންގުން މެދުކަނޑާ ނުލާ ކުރިއަށް ގެންދިޔުމަކީ ސަރުކާރުގެ ސިޔާސަތެވެ. ތައުލީމަށް ހުޅުވިފައިވާ އެއްވެސް ފުރުޞަތެއް މި ސަރުކާރަކުން ބަންެދެއް ނުކުރާނެ
— Ibrahim Mohamed Solih (@ibusolih) June 26, 2019
ޔުނިވަރިސިޓީ ގާނޫނަށް އިސްލާހު ގެނައުމުގެ ދެ ބިލް މަޖިލީހަށް ހުށަހަޅާފައިވަނީ މި ހަފްތާ ތެރޭގައެވެ. ގައުމީ ޔުނިވަރސިޓީގެ ގާނޫނުގެ ބިލަށް މަޖިލީހުގައި ބަހުސް ކުރެވުނު ނަމަވެސް އިސްލާމީ ޔުނިވަރސިޓީގެ ގާނޫނަށް އިސްލާހު ގެނައުމުގެ ބިލަށް ބަހުސްކުރެވިފައި ނުވެއެވެ. ދެ ބިލު ވެސް މަޖިލީހަށް ބަލައިގަނެ މިހާރު ކުރިއަށްދަނީ ކޮމެޓީ މަރުޙަލާއެވެ.
ގައުމީ ޔުނވަރސިޓީ ބިލަށް ކުރެވުނު ބަހުސްގަިއ ގިނަ މެންބަރުންގެ ވާހަކައިގެ އަމާޒުހުރީ ރާއްޖެއަށް ދެ ޔުނިވަރިސިޓީ އެއް ބޭނުންނުވާ ކަމަށެވެ. އަދި އިސްލާމީ ޔުނިވަރިސިޓީ ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީއަކަށް ހަނިކުރުމަށެވެ.
