މުޅި ރާއްޖެއަށް މޫސުން ގޯސްވާނެކަމަށް ލަފާކޮށް، ވައިޓް އެލަރޓް ނެރެފި އެވެ.
މެޓް އޮފީހުން ވައިޓް އެލަރޓް ނެރެފައިވަނީ މިއަދު މެންދުރު 12:00 ހަމައަށެވެ.
އެ އެލަރޓުގައި ބުނެފައިވަނީ ބޯކޮށް ވާރޭވެހުމާއިއެކު ގުގުރުމަކީ އެކަށީގެންވާކަމެއް ކަމަށެވެ. އަދި ވިލާގަނޑުގައި ގަޑިއަކު ގާތްގަނޑަކަށް 40 މޭލަށް ވައި ގަދަވާނެ ކަމަށެވެ.
މީގެ އިތުރުން ރާއްޖޭގެ ކަނޑުތަކުގައި ރާޅުގެ އުސްމިން ހުންނާނީ 4 ފޫޓާއި 6 ފޫޓު ދެމެދު ކަމަށް ވެސް މެޓް އޮފީހުން ބުނެއެވެ.
އެހެންވެ، ހުރިހާ ފަރާތްތަކުން ވެސް މިކަމަށް ސަމާލުވެ، ޚާއްސަކޮށް ކަނޑުދަތުރު ކުރައްވާ ފަރާތްތަކުން މޫސުމަށް ސަމާލުވުމަށް އެ އޮފީހުން ވަނީ އިލްތިމާސް ކޮށްފައެވެ.
