ބަނާނާ ފްރިޓާޒް އަކީ ރޯދަވީއްލުމަށް ރަނގަޅު، ވަރަށް ފަސޭހައިން ތައްޔާރު ކޮށްލެވޭނެ ސިއްހަތަށް ފައިދާ ހުރި ފޮނި ހެދިކާއެކެވެ. މާގިނަ ތަކެއްޗެއްވެސް މި ހެދިކާ ތައްޔާރުކުރުމަކަށް ބޭނުމެއް ނުވާނެއެވެ.
ބޭނުންވާ ތަކެތި
- ބޮޑު ތިންވައް ދޮންކެޔޮ
- 100 ގްރާމް ގޮދަން ފުށް
- 1 ސައިސަމުސާ ބޭކިންގ ސޮޑާ
- 1/4 ސައިސަމުސާ މުގުރި ފޮނިތޮށި
- 1 ބިސް
- 150 އެމްއެލް ކިރު
- ވެޖެޓަބްލް އޮއިލް
ތައްޔާރު ކުރާނެ ގޮތް
1- ފުށާއި ބޭކިން ސޮޑާ އަދި ފޮނިތޮށި ކޮޅު ބޮޑު ބޯތަށްޓަކަށް އަޅައި އެއްކޮށްލާށެވެ. ދެން ފުށްއެތީގެ މެދުގައި ވަޅުކޮޅެއް ހަދައި އެތަނަށް ބިހާއި ކިރުފޮދުގެ އެއްބައި އަޅައިލާށެވެ. ދެން އޮމާންވަންދެނެގިރައިލާށެވެ. ގިރަމުން ދާއިރު ބާކީ ހުރި ކިރުފޮދުވެސް އަޅާލައިގެން ގިރައިލާށެވެ.
2- ތޮށި ނޮޅާލުމަށްފަހު ދޮންކެޔޮ މެދުން ފަޅައިލާށެވެ. އަދި ކޮންމެ ފަޅިއެއް ދެބުރި ނޫނީ ތިން ބުރި ކޮށްލާށެވެ.
3- ތެޔޮ އެތި ހޫނު ވުމުން ދޮންކެޔޮ ކޮޅު ފުށްގަނޑަށް ލައިފައި ނަގައި ތެޔޮ އެއްޗަށް ލާށެވެ. ތެޔޮގަނޑަށް ދޮންކެޔޮ އަޅާއިރު އެއް ފަހަރާ މާގިނައިން ނާޅާށެވެ. އެތިކޮޅުތައް ތަތްލަވާ ގޮތް ވެދާނެއެވެ.
4- ބުރައުން ކުލަ އަރާލަންދެން ދޮންކެޔޮ ތެލުލާށެވެ. ބަނާނާ ފްރިޓާޒް މާމުޔާ ޖަހައިގެން ވެސް ކެވިދާނެއެވެ.
