އިދިކޮޅު ފަރާތްތަކުން މިރޭ ކުރިއަށް ގެންދިޔަ މުޒާހަރާގެ ތެރެއިން ފުލުހުން ގަޔަށް ހައްޕުނޑު ޖަހައިފިއެވެ.
ފުލުހުންގެ މައުލޫމާތު ދޭ ގޮތުގައި މުޒާހަރާގެ ބައިވެރިއަކު ހައްޕުނޑު ޖަހާފައިވަނީ އެ ސަރަހައްދުގައި އިސް ސަފުގައި ހަރަކާތްތެރިވަމުން ދިޔަ ދެ ފުލުހެއްގެ ގަޔަށެވެ. މިއީ ނާތަހުޒީބު އަމަލެއް ކަމަށާއި މިކަން ކުރި މީހަކު ހޯދައި ގާނޫނީ ގޮތުން އެޅެން އޮތް އެންމެ ހަރުކަށި ފިޔަވަޅު އެޅުމަށް ކުރަންޖެހޭ މަސައްކަތް މިހާރު ކުރަމުން ގެންދާ ކަމަށް ވެސް ފުލުހުން މައުލޫމާތު ދެއެވެ.
ޕޮލިސް ކޮމިޝަނަރ މުޙައްމަދު ޙަމީދު މިރޭ ކުރެއްވި ޓުވީޓެއްގައި ވިދާޅުވީ މި އަމަލު އެންމެ ހަރުކަށި އިބާރާތުން ކުށްވެރި ކުރާ ކަމަށެވެ. މިދުވަސްވަރަކީ މާލޭގައި ހަލުވި ކަމާއެކު ކޯވިޑް ފެތުރެމުންދާ ދުވަސްވަރެއް ކަން ފާހަގަކުރައްވައި، މިއަދަކީ ދިވެހީންގެ ތެރެއިން އެންމެ ގިނަ ދިވެހީންނަށް ބަލި ޖެހުން ދުވަސްކަން ވެސް ކޮމިޝަނަރ ގެ ޓުވީޓުގައި ފާހަގަކުރައްވާފައިވެއެވެ.
Two of our officers who were performing public order policing duties were spat at by a protester(s) tonight. We are still in the midst of the #COVID19 pandemic and have had the highest number of local infections today. Strongly condemn this uncivilised act. Will be investigated. pic.twitter.com/nihF1NyVGp
— Mohamed Hameed (@M_Hameedh) July 28, 2020
ނޭފަތާއި އަނގައިން ބޭރުވާ "ޑްރޮޕްލެޓްސް" ނުވަތަ ތިކިތަކުން ކޯވިޑް-19 ފެތުރޭކަން ސިއްހީ އިދާރާތަކުން ދަނީ ކެނޑީނޭޅި ހަނދާން ކޮށްދެމުންނެވެ. އަދި އެޗްޕީއޭގެ އިރުޝާދުތަކަށް ތަބާވުމަށް ޑޮކްޓަރުންނާއި ސިއްހީ ޚިދުމަތްތެރިން ގެންދަނީ ރައްޔިތުންނަށް އިލްތިމާސް ކުރަމުންނެވެ.
