ޕަވްލޯވާގެ ބޭސް އަށް ބޭނުންވާނެ ބާވަތްތައް:
5 ކުކުޅު ބިހުގެ ހުދު ބައި
½ ސައިސަމުސާ ކްރީމް އޮފް ޓާރޓާ
¼ ސައިސަމުސާ ލޮނު
1 ސައިސަމުސާ ވިނެގަރ
2 މޭޒުމަތީ ސަމުސާ ޒުވާރި ފުށް
1 ސައިސަމުސާ ވެނީލާ އެސެންސް
ފިލިންއަށް ބޭނުންވާނެ ބާވަތްތައް:
3 އޮރެންޖު، ތޮށި މަށައި ބައި އިންޗި ހުންނަވަރަށް ކޮށާފައި
3 މޭޒުމަތީ ސަމުސާ ބްރައުން ޝުގަރ
1 ޖޯޑު ލެމަން ކާރޑް
1 ޖޯޑު ހެވީ ކްރީމް (ވިޕްކޮށްފައި)
ތައްޔާރުކުރާނެ ގޮތް:
190 ޑިގްރީއަށް އަވަން ހޫނުކުރަން ޖައްސާށެވެ. ޕާޗުމަންޓު ކަރުދާހެއްގައި 9 އިންޗީގެ ވަށްބުރެއް ކުރަހާށެވެ.
ބޮޑު ބޯތަށްޓަކަށް ބިހުގެ ހުދު ބަޔާއި، ޓާޓަަރ އަޅައިގެން ކަރަންޓު މިކްސަރަކުން ގިރާށެވެ. ދެން މަޑުމަޑުން ހަކުރާއި ލޮނުކޮޅު އެއްކުރާށެވެ. އަދި ބިސް ފޮނުގަނޑަކަށްވެ، އޮމާންވެ ވިދުމެއް ފެންނަވަރަށް އެކުވުމުން އޭގެ ތެރެއަށް ޒުވާރި ފުށާއި ވިނެގަރ އަދި އެސެންސު އެއްކުރާށެވެ.
ދެން ބޯތަށިިން ބޭކިން ޝީޓަށް ހުސްކުރާށެވެ. މެދު އަޑިކޮށް ހުންނަ ގޮތަށް ކަައިރި އޮމާން ކުރުމަށްފަހު އަވަނަށް ލާށެވެ. އަވަނުގެ ތެރޭގައި އެއްގަޑިއިރުވުމުން އަވަން ނިއްވާލށެވެ. އަދި ހިހޫ ވަންދެން އަވަނުގައި ބަހައްޓާށެވެ. ޕަވްލޯވާ މުޅިން ހިހޫ ވުމުން އަވަނުން ނަގާށެވެ. ދެން ކޮށާފައި ހުރި އޮރެންޖު ފޮއިލް އަޅާފައިހުރި ޓްރޭއެއްގައި އަތުރާށެވެ. އޮރެންޖުގެ މައްޗަށް ބްރައުން ޝޫގަރ ބުރުވާލާށެވެ. އަދި ކުޑައިރުކޮޅަކަށް އަވަނަށް ލާށެވެ. ނުވަތަ ހަކުރު ވިރެންދެން އުނދުންމަތީގައި ބަހައްޓައިގެން ހޫނުކުރާށެވެ. ހަކުރު ވިރުމުން ހިހޫކުރަން ބަހައްޓާށެވެ.
ޕަވްލޯވާ މުޅިން ހިހޫވުމުން ޓްރޭއިން ނެފުމަށްފަހު އޭގެ މައްޗަށް ލެމަން ކާރޑް އަޅާށެވެ. ލެމަން ކާރޑްގެ މައްޗަަށް ވިޕްކޮށްފައި ހުރި ފަތުރައިލާށެވެ. ދެން އޭގެ މަތީގައި އޮރެންޖު އަތުލާށެވެ.
ގިނައިރު ބެހެއްޓުމަށްވުރެ ބޮޑަށް ރަނގަޅީ ވަގުތުން ތާޒާކަންމަތީ ހުއްޓައި ކެއުމެވެ.
