ބޭނުންވާނެ ތަކެތި:
2 ޖޯޑު ހަކުރު
4 ކުކުޅު ބިސް
1 ސައިސަމުސާ ވެނީލާ އެސެންސް
ދޮޅު ޖޯޑު ތެޔޮ
2 ޖޯޑު ފުށް
ޖޯޑެއްގެ ހަތަރުބައިކުޅަ ތިންބައި ކޮކޯ ޕައުޑަރު
2 ސައިސަމުސާ ބޭކިން ސޮޑާ
1 ސައިސަމުސާ ބޭކިން ޕައުޑަރ
3 ޖޯޑު ޒުކިނީ، ގާނާފައި
ބައި ޖޯޑު ޗޮކްލެޓް ސިރަޕް
ތައްޔާރުކުރާނެ ގޮތް:
180 ޑިގްރީ ސެލްސިއަސް އަށް އަވަން ހޫނު ކުރާށެވެ.
ބޯތަށްޓެއްގައި ހަކުރާއި ބިހާއި ވެނީލާ އެސެންސާއި ތެޔޮ އެއްކުރުމަށްފަހު ރަނގަޅަށް ހަކުރު ވިރުމުން ފުށާއި، ކޮކޯ ޕައުޑަރާއި، ބޭކިން ސޮޑާ އާއި ބޭޚިން ޕައުޑަރ އެއްކުރާށެވެ.
ދެން ޒުކިނީ އަޅައި ފުށްގަނޑަށް އެއްވަރަކަށް ފެތުރެންދެން އެއްކުރާށެވެ.
9 އިންޗި 13 އިންޗީގެ ޓްރޭއެއްގައި މާޖިރީން ހޭކުމަށްފަހު ކޭކް މިކސް އެއަށް އަޅާށެވެ.
އަވަނަށް ލައި 30 މިނޓް ނުވަތަ 40 މިނިޓް ފިހޭށެވެ.
ފިހެވުމުން އަވަނުން ނަގައި އުލަކުން ނުވަތަ ޓޫތުޕިކެއް ކޭކުގެ އެކި ތަންތަނަށް ހެރުމަށްފަހު ކޭކުގެ މައްޗަށް ޗޮކްލެޓް ސިރަޕް އަޅާށެވެ.
ކޭކު ސެޓުވުމުން ކާން ނަގާށެވެ.
