އައްޑޫ ސިޓީ މަރަދޫ ހެލްތު ސެންޓަރ (އެމްއެޗުސީ) ގައި މަސައްކަތްކުރާ މުވައްޒަފުންނަށް ޔުނީފޯމެއް މިއަދު ތައާރަފްކޮށްފިއެވެ.
މިއަދުން ފެށިގެން އެމީހުން ވަޒީފާއަށް ނުކުންނާނީ އެ ޔުނީފޯމުގައެވެ. އެމްއެޗުސީ ހިންގެވުމާ ހަވާލުވެ ހުންނެވި ސީނިއަރ އެޑްމިނިސްޓްރޭޓިވް އޮފިސަރ ޢަބްދުﷲ ޠައްޔިބު (ޓޮމް) ވިދާޅުވީ މިއީ އެތަނުގެ އަހަރީ ދުވަހާ ގުޅިގެން ފެށި ކަމެއް ކަމަށެވެ.
މިއަދަކީ އެމްއެޗުސީގެ އަހަރީ ދުވަހެވެ. އެހެންނަމަވެސް ކޮވިޑް-19 ގެ ނުރައްކާތެރިކަން މިދަނޑިވަޅުގައި މުޅި ރާއްޖެއަށް އޮތުމުން އަހަރީ ދުވަހުގެ ޙަރަކާތްތައް ވަނީ ފަސް ކުރައްވައިފައެވެ.
އެމްއެޗުސީގެ މުވައްޒަފުންނަށް ޔުނީފޯމެއް ޑިޒައިންކޮށް ތައާރަފް ކުރުމަކީ ސަރުކާރުގެ ނިންމުމެއްނޫން ކަމަށް ވެސް ޠައްޔިބު ވިދާޅުވިއެވެ. "މިއީ މިތަނުގެ މުވައްޒަފުންގެ ނިންމުމެއް. މިކަން މިގޮތަށް މިކުރީ މުވައްޒަފުންގެ ތާއީދާއި އެއްބާރުލުމާއެކު،" ޠައްޔިބު ވިދާޅުވިއެވެ. އޭނާ ވިދާޅުވީ މިފަދަ ޔުނީފޯމެއް ތަޢާރަފް ކުރެއްވީ އެމްއެޗުސީގެ ޓީމަކީ އެއްކޮށް މަސައްކަތްކުރާ އެއްބައިވަންތަ ޓީމެއްކަން ދެއްކުމުގެ ގޮތުން ކަމަށެވެ.
ކޮންމެ މުވައްޒަފަކަށް ދެ ޔުނީފޯމް ފެހުމަށްޓަކައި ކޮންމެ މީހަކު އެވްރެޖުކޮށް 1200 ރުފިޔާ ޚަރަދު ކޮށްފައިވާ ކަމަށް އޭނާ ވިދާޅުވިއެވެ. "މިއީ މުވައްޒަފުން މިކަންކުރަންތިބީމައި ކުރެވުނު ކަމެއް. މުވައްޒަފުންގެ އެއްބާރުލުމާއި އެހީތެރިކަމާއެކު އިރާދަކުރެއްވިއްޔާ މިފަދަ ކަންކަން އަދިވެސް ކުރެވޭތޯ ބަލާނަން،" ޠައްޔިބު ވިދާޅުވިއެވެ.
ޠައްޔިބު ވިދާޅުވީ މިއީ ވަރަށްމަދު ތަނެއްގައި ނޫނީ ވަރަށް ނުވާކަމެއް ކަމަށެވެ. އެހެންކަމުން މަރަދޫ ހެލްތު ސެންޓަރު ވެގެންދާނީ އެފަދަ އެހެންތަންތަނަށް ނަމޫނާއަކަށް ކަމަށް ވިދާޅުވިއެވެ. "ޔުނީފޯމެއް ލުމަކީ މީހާއަށް މީސްވަންތަ ކަމުގެ އިހުސާސް ކޮށްދޭނެ ކަމެއް. ވާޖިބާއި މަސްއޫލިއްޔަތު އަބަދުމެ ހަނދާންކޮށްދޭނެ ކަމެއް. ގުޅިގެން މަސައްކަތް ކުރުމަށް ހިތްވަރު ލިބިދޭނެކަމެއް. އިރާދަކުރެއްވިއްޔާ އަޅުގަނޑުމެންގެ ޓީމުން އެކަންދައްކާނެ،" ޠައްޔިބު ވިދާޅުވިއެވެ. އޭނާ ވިދާޅުވީ އެ ޔުނީފޯމުން އެ މުވައްޒަފަކު މަސައްކަތް ކުރައްވާ ޑިޕާޓުމަންޓް ވެސް އެނގިގެންދާނެ ކަމަށެވެ.
އެމްއެޗުސީން ގެންދަނީ ކޮންމެ މަހަކުވެސް ކޮންމެ ޑިޕާޓުމެންޓަކުން އެންމެ ރަނގަޅު މުވައްޒަފާއި މުޅި ތަނުން އެންމެ ރަނގަޅު މުވައްޒަފު ހޮވައި ހިތްވަރު ދެމުންނެވެ.
އޭގައި އޮނާނީ ފަޒީފާ އަދާ ކުރާ މުވައްޒަފުން ބޭނުން ވާގޮތް. މެޖޯރިޓީ އަށް ތާއީދުކުރުން.
ވަޒީފާ ދޭ ފަރާތުން މުވައްޒަފު ވަކި ޔުނިފޯރމެއް ލާން ބޭނުންވާނަމަ އެއަށް ޙަރަދު ކުރާނީ ވަޒީފާ ދޭ ފަރާޓުން ވަޒީފާ އަދާ ކުރާ ފަރާތަކުން ނޫނެވެ.