އައްޑޫ ސިޓީ މަރަދޫ ހެލްތު ސެންޓަރ (އެމްއެޗުސީ) އިން ފުރަތަމަ ފަހަރަށް އެމްޕްލޯއި އޮފް ދަ މަންތު ރޭ ހޮވައިފިއެވެ. ރޭ ހޮވާފައިވަނީ އޮކްޓޯބަރު މަހުގެ އެންމެ ރަނގަޅު މުވައްޒަފުންނެވެ.
ކޮންމެ މަހަކު ހޮވަން ނިންމާފައިވާ މި މަޤާމު ނުވަތަ ސްޓަރ އޮފްދަ މަންތު ފުރަތަމަ ފަހަރަށް ހޯދީ އެޗުއޯޑީންގެ ތެރެއިން އެންމެ ރަނގަޅު މުވައްޒަފަކަށް ހޮވުނު ރަޖިސްޓަރޑް ނަރުސް އާމިނަތު ޝަޒުމީނާއެވެ.
ސްޓަރ އޮފްދަ މަންތުގެ އިތުރުން ހައުސް ކީޕިން ޑިޕާޓުމެންޓުން އެންމެ ރަނގަޅު މުވައްޒަފަކަށް ހޮވިފައިވަނީ ޝަމްސުއްނަހާރެވެ. ރިސެޕްޝަނިސްޓުންގެ ތެރެއިން އެންމެ ރަނގަޅު މުވައްޒަފަކަށް ހޮވިފައިވަނީ ޝަމޫނާ އަޙުމަދެވެ. އެންމެ ރަނގަޅު ޑޮކްޓަރަކަށް ހޮވިފައިވަނީ ޑރ. މުޙައްނަދެވެ. އެންމެ ރަނގަޅު ނަރުހަކަށް ހޮވިފައިވަނީ އެންސީ ސުނިލް އެވެ.
މަރަދޫ ހެލްތު ސެންޓަރުގެ ގޯތިތެރޭގައި ބޭއްވި މި ރަސްމިއްޔާތުގައި، މިފަރާތްތަކަށް އެވޯޑު ޙަވާލު ކޮށްދެއްވީ ރޭގެ ރަސްމިއްޔާތުގެ ޝަރަފްވެރި މެހުމާން ޑެޕިޔުޓީ މިނިސްޓަރ އޮފް ހެލްތު ޝިހާމާ މުޙައްމަދެވެ.
އެމްއެޗުސީގައި މިފަދަ އެވޯޑެއް ތަޢާރަފްކުރީ މުވައްޒަފުންގެ މެދުގައި އެކުވެރިކަން އާލާކޮށް މަސައްކަތުގެ ރޫޙު ވަރަގަދަކޮށް ރައްޔިތުންނަށް ދެވޭ ޚިދުމަތުގެ ފެންވަރު ރަނގަޅު ކުރުމަށެވެ. މަޢުލޫމާތު ލިބިފައިވާ ގޮތުގައި މިއެވޯޑު އެއްފަހަރު ލިބިފައިވާ މީހަކަށް ދެވަނަ ފަހަރަށް ނުލިބޭނެއެވެ.
މި އެވޯޑު ދިނުމުގައި ބަލާފައިވަނީ އެމީހެއްގެ ޚިދުމަތާއި މީހުންނާ ގުޅުން ބާއްވާ މިންވަރާއި ހާޒިރީ ފަދަ ކަންކަމަށެވެ.
Congratulations shamsunnahaaru adhi ehen muvazzafun