ރޭގެ މުޒާހަރާއިން ބަންދުކުރި މީހުންގެ ތެރެއިން 2 މީހަކު ބަންދު ކުރުމަށް 5 ދުވަހުގެ މުއްދަތެއް ކޯޓުން ޖައިދީފިއެވެ.
ރައީސް ޢަބްﷲ ޔާމީން މިނިވަން ކުރުމަށް ގޯވާލައި އެމަނިކުފާނަށް ތާއިދު ކުރާ ފަރާތްތަކުން ބާއްވަމުން ގެންދާ ސިލްސިލާ މުޒާހަރާގެ ތެރެއިން ރޭ ބޭއްވި މުޒަހާރާއިން ބަންދުކޮށްފައިވަނީ 7 މީހުންނެވެ. އެތަނުން 5 މީހުން ރޭ ވަނީ ދޫކޮށްލައިފައި ކަމަށް ފުލުހުން ވިދާޅުވިއެވެ.
ރައީސް ޔާމީން މިނިވަން ކުރުމަށް ގޮވާލައި ޕީޕީއެމް/ޕީއެންސީ އިން މުޒާހަރާ ކުރަމުންދަނީ އެމަނިކުފާނުގެ މައްޗަށް ކޮށްފައިވަނީ ސިޔާސީ ޙުކުމެއް ކަމަށް ބުނެއެވެ. އަދި އެޙުކުން ޤަބޫލު ނުކުރާކަމަށްވެސް އެފަރާތްތަކުން ދަނީ ބުނަމުންނެވެ.
މަނީލޯންޑަރ ކުރުމުގެ ކުށް ރައީސް ޔާމީންގެ މައްޗަށް ސާބިތުވެ އެމަނިކުފާނު ޖަލަށްލުމަށް ކްރިމިނަލްކޯޓުން ޙުކުމްކޮށްފައިވަނީ ނޮވެމްބަރު 28 ވަނަދުވަހުއެވެ. އެމަނިކުފާނު މިހާރު ގެންދަވަނީ މާފުށީ ޖަލުގައި ޙުކުމް ތަންފީޒު ކުރައްވަމުންނެވެ.
