ސުޕްރީމް ކޯޓުގެ ފަނޑިޔާރު ކަމަށް އައްޔަން ކުރެއްވުމަށް މަޖިލީހުން ރުހުން ދެއްވުމާ ގުޅިގެން އައިޝާ ޝުޖޫން ބާ ކައުންސިލުން އިސްތިއުފާ ދެއްވައިފިއެވެ. ސްޕްރީމް ކޯޓްގެ ފަނޑިޔާރުކަމަށް އައްޔަންކުރެއްވުމަށް ޑރ. އަޒްމިރަލްދާ ޒާހިރާއި، އައިޝާ ޝުޖޫންއަށް ރައްޔިތުންގެ މަޖިލީހުން ރުހުން ދެއްވީ މިއަދު ބޭއްވި ޖަލްސާގައެވެ.
މި ދެބޭފުޅުންނަށް ރުހުން ދިނުމަށް މަޖިލީހުގައި ވަކި ވަކިން ނެންގެވި ވޯޓުގައި ޝުޖޫން އާއި އަޒްމިރަލްދާ ސުޕްރީމް ކޯޓުގެ ފަނޑިޔާރު ކަމަށް އައްޔަން ކުރަން ފެންނަ ކަމަށް ވޯޓްދެއްވީ 62 މެމްބަރުންނެވެ. ނުފެންނަ ކަމަށްވެސް އެއް މެމްބަރަކު ވޯޓު ދެއްވި އެވެ. ވަކިކޮޅަކަށް ނުޖެހިވެސް އެއްމެމްބަރަކު ވޯޓް ދެއްވިއެވެ.
މިއީ ރާއްޖޭގެ ތާރީޚްގައިވެސް ސްޕްރީމްކޯޓްގެ ފަނޑިޔާރުކަމަށް އަންހެނުން އައްޔަން ކުރެވޭ ފުރަތަމަ ފަހަރެވެ. ނަމަވެސް މި ދެބޭފުޅުންނަކީވެސް ކުރިން ފަނޑިޔާރުކަން ކުރައްވައިފައިވާ ދެބޭފުޅުންނެވެ. ޑރ އަޒްމިރާލްދާ އަކީ ކުރިން ހައިކޯޓްގެ ފަނޑިޔާރުކަން ކުރައްވައިފައިވާ ބޭފުޅެކެވެ. ޝުޖޫނަކީ މަދަނީކޯޓްގެ ގާޒީކަން ކުރައްވައިފައވާ ބޭފުޅެކެވެ.
ސްޕްރީމް ކޯޓުން މިހާރު ހުސްވެފައިވާ ފަނޑިޔާރުކަމަށްވެސް އަންހެން ބޭފުޅަކު ވަނީ ކުރިމަތިލައްވައިފައެވެ. އެއީވެސް ކުރިންސިވިލްކޯޓްގެ ޤާޒީކަން ހަ އަހަރުވަންދެން ކުރަށްވައިފައިވާ ބޭފުޅެކެވެ. އެއީ ކުރީގެ ޑެޕިއުޓީ ޕޮރޮސެކިއުޓަރ މަރިޔަމް ނިހާޔަތެވެ.
Islaamee gaumehge emme mathee magaamu thakah hovigen dhaairu kudaminun aura nivaavefa hurinamaves