އައްޑޫ ސިޓީ މީދުއާއި އިސްމެހެލާހެރަ ދެމެދު އޮންނަ ނެރުން ވަންނަން އުޅުނު ބޮއްކުރައެއް ބަންޑުންޖަހައިލައިފިއެވެ.
ޙާދިސާ ހިނގިއިރު އޭގައި ދެ މީހުން ތިބި ކަމަށް ފުލުހުން ވިދާޅުވިއެވެ. އޭގައި ތިބީ ޢުމުރުން 56 އަހަރުގެ މީހަކާއި 57 އަހަރުގެ މީހެއް ކަމަށް ވެސް ފުލުހުން ވިދާޅުވިއެވެ.
އެމީހުން ސަލާމަތްކޮށްފައިވަނީ ޑިންގީއެއްގައި ދިޔަ ޢާއްމުންގެ މީހެއް ކަމަށް ވެސް ފުލުހުން ވިދާޅުވިއެވެ. "ޢާއްމު މީހެއްގެ އެހީތެރިކަމާއެކު އެ ދެމީހުން ޑިންގީއަކަށް ނަގައިގެން ސަލާމަތް ކޮށްފައިވާ ކަމަށް،" ފުލުހުން ވިދާޅުވިއެވެ.
މި ޙާދިސާގެ މަޢުލޫމާތު ފުލުހުންނަށް ލިބިފައިވަނީ މިއަދު ހެނދުނު 9:44 އެހައިކަންހާއިރު އެވެ. ބޮއްކުރާ ބަންޑުންޖަހައިލި ސަބަބެއް ފުލުހުން ވިދާޅެއް ނުވެއެވެ.
