ފަތުރުވެރިން ގޮވައިގެން ދަތުރުކުރި "ބުލޫ ލެގޫން" ނަމަކަށް ކިޔާ ސަފާރީއެއް ބ. ދަރަވަންދޫ ނެރު މައްޗަށް އަރައިފި ކަމަށް އެމްއެންޑީއެފުން ވިދާޅުވެއްޖެއެވެ.
މިޙާދިސާ ހިނގިއިރު އެއިން ދަތުރުކުރީ 13 ފަތުރުވެރިންނާއި 14 ފަޅުވެރިންނެވެ. މިއިން އެއްވެސް މީހަކަށް އަނިޔާއެއް ނުވަތަ ގެއްލުމެއް ލިބިފައެއް ނުވެއެވެ.
މިހާދީސާ ގެ މައުލޫމާތު ނޮވެމްނަރު 19 ވަނަދުވަހު 00:45 ގައި އެހައިކަންހާއިރު ކަމަށް އެންއެންޑީއެފުން ވިދާޅުވެފައިވެއެވެ. މަޢުލޫމާތު ލިބުމާއެކު އެމްއެންޑީއެފް ނޮދަންއޭރިއާގެ ކޯސް ގާޑު ސްކްޑްރަންގެ ހާބަކްރާފްޓް ލޯންޗު ވަނީ ވަގުތުން އެހީވުމުގެ މަސައްކަތް ފަށައިފައެވެ.
ސަފާރީގެ ވެރިފަރާތުން މިހާރު ގެންދަނީ ސަފާރީ ފުންކުރުމުގެ މަސައްކަތް ކުރަމުންނެވެ. އެ މަސައްކަތުގައި ވެރިފަރާތަށް ބޭނުންވާ އެހީތެރިކަން އެމްއެންޑީއެފް ކޯސްޓްގާޑުގެ ޑައިވަރުން ދަނީ ފޯރުކޮށްދެމުން ކަމަށް އެމްއެންޑީއެފުން ވިދާޅުވިއެވެ.
