ރައްޔޮތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު އަހްމަދް މަހްލޫފް މިރޭ އެމްޑީޕީ އާއި ގުޅިވަޑައިގެންފިއެވެ.
އެމްޑީޕީ އާއި ގުޅިވަޑައިގަތުމަށްފަހު މަހްލޫފު ކުރެއްވި ޓުވީޓެއްގަިއ ވިދާޅުވެފައިވަނީ ރައީސް މުންތަޚަބް އިބްރާހީމް މުޙައްމަދް ޞާލިޙް އާއި އެމްޑީޕީގެ ރައީސް މުޙައްމަދު ނަޝީދާއެކު މަސައްކަތް ކުރެއްވޭނެ ކަމަށް އުއްމީދު ކުރައްވާ ކަމަށެވެ. އަދި އެމްޑީޕީގެ މެންބަރަކަށް ވުމުން އެކަމާ އުފާފުޅު ކުރައްވާ ކަަމށް ވެސް މަހްލޫފް ވިދާޅުވެފައި ވެއެވެ.
މަހްލޫފް ވަނީ މީގެ ދުވަސްކޮޅެއް ކުރީން އެމްޑީޕީ އާއި ގުޅިވަޑައިގަންނަވާނެ ކަމުގެ އިޝާރާތެއް ކުރައްވާފައެވެ. އޭނާ ޕީޕީއެމް އިން ވަކިވީ ކާނަލް ނާޒިމް ފްރޭމްކޮށް ހައްޔަރު ކުރުމުންނެވެ. އެހިސާބުން ސީދާ ހަރަކާތަށް ނުކުންނަވައި އިއްތިހާދާއެކު ސަރުކާރާ ދެކޮޅަށް ގިނަގުނަ މަސައްކަތްތަކެއް ކުރެއްވިއެވެ.
Little surprise. I’m officially kula yellow. Looking forward to work closely with President-elect Hon. @ibusolih & President @MohamedNasheed. Very happy to be part of MDP family. ?@MDPSecretariat #HithaaHithugeGulhumeh #JazeeraRaajje pic.twitter.com/fUgMfPFMRw
— Ahmed Mahloof (@AhmedMahloof) November 12, 2018
