ހޮލީވުޑްގެ ތަރި ވިލް ސްމިތް ކުރީގެ ރީތީގެ ރާނީ އަދި ބޮލީވުޑް ތަރި އައިޝްވާރިޔާ ރާއީ އާއެކު ފިލްމެއް ކުޅުމަށް ޝައުގެވެރިވާކަމަށް ބުނެފިއެވެ. އޭނާ މިހެން ބުނީ ހިންދުސްތާން ޓައިމްސް ލީޑަރޝިޕް ސަމިޓްގެ ހަރަކާތެއްގެ ތެރެއިން ފަރްހާން އަޚްތަރު އާއެކު ކުރިއަށް ދިޔަ ހަރަކާތެއްގައެވެ.
މި ހަރަކާތުގައި ވިލް ސްމިތް ބުނި ގޮތުގައި ބޮލީވުޑް ޑާންސް ފިލްމެއް ކުޅުމަކީ އޭނާގެ ބަކެޓް ލިސްޓުގައި ހިމެނޭ ކަމެކެވެ. އަދި މީގެ 15 އަަހަރު ކުރީން އައިޝްވާރިޔާ އާއި އޭނާ އާ ބައްދަލުވިކަމަށާއި، ދެ މީހުން އެކުގައި ކޮންމެވެސް މަސައްކަތެއް ކުރާ ވާހަކަ ދެކެވުނު ކަމަށެވެ. މިއަދާ ހިސާބަށް އެކަން ކުރެވިފައި ނެތް ނަަމަވެސް އައިޝްވާރިޔާ އާއެކު ފިލްމެއް ކުޅޭން ބޭނުން ކަމަށް އޭނާ ބުންޏެވެ.
ފަރްހާން ވަަނީ ވިލް ސްމިތް އަށް ބަންގްރާ ޑާންސް ފޯމް ދަސްކޮށްދީފައެވެ. ވިލް ސްމިތް އަކީ 'މެން އިން ބްލެކް'، އަދި ބޮކްސިން ޗެމްޕއަިން މުހައްމަދް އަލީ ގެ ބަޔޮޕިކްގައި އޭނާގެ ރޯލު ކުޅުނު ތަރިއެވެ. މިހޜު އޭނާ ދަނީ ނެޝަނަލްޖިއޮގްރެފިކް ގެނެސްދޭ 'ވަން ސްޓްރޭންޖް ރޮކް' ހޯސްޓް ކުރަމުންނެވެ.
