'މޭޑް އިން ޗައިނާ' ގައި ރާޖް ކުމާރް ރާއޯ އެކު މަސައްކަތް ކުރަން ފުރުސަތު ލިބުމަކީ ވަރަށް އުފާވާ ކަމެއް ކަމުގައި ބޯމަން އިރާނީ ބުނެފިއެވެ. އޭނާ މިހެން ބުނެފައިވަނީ ހޯމަ ދުވަހު އެގްޒިބިޝަނެއްގެ ތެރެއިން މީޑިއާއިން ކުރި ސުވާލަކަށް ޖަވާބު ދެމުންނެވެ.
ބޯމަން ބުނީ މިހާރު ރަޖް ކުމާރް ރާއޯ އާއެކު ރިހާސަލް ފަށާފައިވާ ކަމަށެވެ. ބޯމަންގެ މައިބދައިން ޑިސްކެއް ގުޑާފައިވާތީ އޭނާއަށް މިހާރު ރަނގަޅަށް ނުހިނގެއެވެ. ނަމަވެސް އޭނާ މިހާރު މަސައްކަތް ކުރަމުންދާ ފިލްމް 'ޓޯޓަލް ދަމާލް' ގެ ޝޫޓިން އަށް އޭގެ އަސަރެއް ނުކުރާ ކަމަށް އޭނާ ބުންޏެވެ. 'ޓޯޓަލް ދަމާލް' ގައި އަޖޭ ދޭވްގަން، އަނިލް ކަޕޫރް، މަދޫރީ ޑިކްސިޓް، އަރްޝަދް ވާރްސީ އަދި ނިހާރިކާ ރާއިޒާދާ ލީޑް ރޯލުން ފެންނާނެއެވެ. އެ ފިލްމުގެ ޝޫޓިން 2، 3 ދުވަހެއްގެ ތެރޭގައި ފަށާނެ ކަމަށް ބޯމަން ބުންޏެވެ.
'މޭޑް އިން ޗައިނާ' އަކީ މެޑޮކް ފިލްމްސް އާއެކު ބޯމަން މަސައްކަތް ކުރާ ތިންވަނަ ފިލްމެވެ. މިއީ ގުޖްރާތީ ވިޔަފާރިވެރިޔަކު ކާމިޔާބު ވިޔަފާރިވެރިއަކަށް ވުމަށް ކުރާ ދަތުރު ދައްކައިދޭ ހެއްވާ ފިލްމެކެވެ. ވޔަފާރިވެރިޔާގެ ރޯލު ކުޅެނީ ރާޖްކުމާރް ރާއޯ އެވެ. އޭނާގެ އަންހެނުންގެ ރޯލު ކުޅެނީ މޯނި ރޯއީ އެވެ. ވާހަކައިގެ ބޮޑުބައި ބިނާކޮށްފައިވަނީ ރާޖްކުމާރް ކާމިޔާބު ވިޔަފާރިވެރިއަކަށް ހެދުމުގެ އުއްމީދުގައި މޯނީ އޭނާ ޗައިނާއަށް ފޮނުވާ ދަތުރުގެ މައްޗަށެވެ. ފިލްމުގައި ބޯމަން ކުޅެނީ ޑޮކްޓަރެއްގެ ރޯލެވެ.
ފިލްމަކީ މިކިލް މޫސަލް ޑައިރެކްޓްކޮށް ދިނޭޝް ވިޖާން މެޑޮކް ފިލްމްސްގެ ބެނަރގެ ދަށުން އުފައްދާ ފިލްމެކެވެ. ފިލްމު ރިލީޒް ކުރަ ގޮތަށް ހަަމޖެހިފައިވަނީ 2019 އަހަރު އެވެ.
