ރާޖް ކުމާރް ހިރާނީ ޑައިރެކްޓް ކުރި ފިލްމު 'ސަންޖޫ' ވަނީ ބޮލީވުޑްގެ ގިނަ ރިކޯޑްތަކެއް ހަދާފައެވެ. ބޮލީވުޑްގެ އެންމެ ކާމިޔާބު ހަތަރުވަނަ ފިލްމުގެ ގޮތުގައި އޮތް 'ޓައިގަރ ޒިންދާ ހޭ' ފަހަތަށް ޖައްސައި 'ސަންޖޫ' މިހާރު އޮތީ ހަތަރުވަނައިގައެވެ. ޕޮެލެންޑުގައި ހުންނަ އިންޑިއާގެ ކޮންސިއުލްގެ ޚާއްޞަ ދައުވަތަކަށް ފިލްމުގެ ޕްރޮޑިއުސަރު ހިރާނީ ވަނީ ޕޮލެންޑަށް ގޮސްފައެވެ. އަދި އެގައުމުގައި ބާއްވާ ނިއު ހޮރައިޒަން ފިލްމު ފެސްޓިވަލްގައި ފިލްމު ބައިވެރިކުރުމުގެ ފުރުޞަތު އޭނާ އަށް ލިބުނެވެ. އޭނާ ވަނީ މިހުށަހެޅުން ގަބޫލުކޮށްފައެވެ.
ޕޮލިޝް ރައްޔިތުން ފިލްމު ބެލުމަށް ވަރަށްޝައުގުވެރިވާ ވާހަކަ އޭނާއާ ވަނީ ހިއްސާކޮށްފައެވެ. އަދިި ފިލްމު އުފެއްދުމުގެ އެއްބަސްވުމެއްގައިވެސް އެނާ ވަނީ ސޮއެކޮށްފައެވެ. މިއީ އިންޑިއާ އާއި ޕޮލެންޑަ ދެމެދު އޮންނަ ގުޅުން ވަރުގަދަ ކުރުމަށް އެޅުނު ފިޔަވަޅެއް ކަމަށް ޕޮލެންޑުގައި ހުންނަ ކޮންސިއުލް ކަރްތިކޭ ޖޯރީ ބުނެފައިވާ ކަމަށް އިކޮނޮމިކް ޓައިމްސްގައި ރިޕޯތުކޮށްފައިވެއެވެ. މީގެ ކުރީންވެސް ޕޮލެންޑުގައި 'ކިކް' އާއި 'ފަނާ' ފަދަ ފިލްމުތައް ޝޫޓް ކޮށްފައިވެއެވެ. ނަމަވެސް 'ސަންޖޫ' ތާރީޚުގެ ތެރެއަސް މިވަނީ ޕޮލެންޑުގައއި އޮންނަ ފިލްމު ފެސްޓިވަލުގަިއ ބައިވެރިކުރާ ފުރަތަމަ ފިލްމުގެ ގޮތުގައެވެ.
