ބޭނުންވާނެ ތަކެތި:
މޭޒުމަތީ ސަމުސަލުގެ 8 ސަމުސާ ހިކި ކިރު
މޭޒުމަތީ ސަމުސަލުގެ 3 ސަމުސާ ސެލްފް ރެއިޒިން ފުށް
ސައިސަމުސަލެއްގެ ހަތަރުބައިކުޅަ އެއްބައި ބައިކާބަނޭޓް ސޮޑާ
ސައިސަމުސަލެއްގެ ހަތަރުބައިކުޅަ އެއްބައި ކާފޫރު ތޮޅި (މުގުރާފައި)
މޭޒުމަތީ ސަމުސަލުގެ އެއް ސަމުސާ ބަޓަރު ނުވަތަ ގިތެޔޮ
މޭޒުމަތީ ސަމުސަލުގެ 3 ސަމުސާ ގިތެޔޮ ނުވަތަ ތެޔޮ، ތެލުލުމަށް
ސިރަޕަށް ބޭނުންވާނެ ތަކެތި:
2 ޖޯޑު ހަކުރު
4 ޖޯޑު ފެން
5 ކާފޫރު ތޮޅިގެ ތޮށި
މޭޒުމަތީ ސަމުސަލުގެ 2 ސަމުސާ ފިނިފެން (ރޯޒް ޥޯޓަރ)، ނުވަތަ ރޯޒް އެސެންސް ފޮދެއް
ތައްޔާރު ކުރާނެ ގޮތް:
- ކިރު، ފުށް، ބައިކާބަނޭޓް ސޮޑާ، އަދި ކާފޫރު ތޮޅި ޕައުޑަރު ބޯތަށްޓަކަށް ފުރާނާށެވެ. އޭގެ ތެރެއަށް ބަޓަރު ނުވަތަ ގިތެޔޮ އަދި ފެން އަޅައިގެން ގުޅަ ވެށޭ ވަރަށް އެއްކުރާށެވެ.
- ގިތެޔޮ ނުވަތަ ތެޔޮ ފޮދު ހޫނުކޮށްފައި އާމަންޑް ކުލަ އަރާވަރަށް ތެލުލާށެވެ. ތެލުލާންވާނީ މަޑު ގިނީގައެވެ.
- ސިރަޕް ތައްޔާރު ކުރުމަށްޓަކައި ހަކުރާއި ފެން އަދި ކާފޫރުތޮޅީގެ ތޮށި ކޮޅު އަޅައިގެން ހަކުރު ވިރެންދެން ހޫނުކުރާށެވެ.
- ތެލުލާފައި ހުރި ގުލާބު ޖާމުން ސިރަޕްގެ ތެރެއަށް އަޅއި ދެގުނައަށް ފޯވަންދެން ބަހައްޓާށެވެ. ކުޑަކޮށް ހިހޫ ވުމުން ފިނިފެން ފޮދު ސިރަޕްގެ ތެރެއަށް އަޅާށެވެ.
- އެއްކޮށް ހިހޫ ވުމުން ކާން ނަގާށެވެ.
މި ރެސިޕީ އިން 20 ގުލާބު ޖާމުން ތައްޔރު ކުރެވޭނެއެވެ.
ރެސިޕީ ނަގާފައިވަނީ "ދަ ކޮމްޕްލީޓް އޭޝިއަން ކުކްބުކް" އިންނެވެ.
