ސްމޫތީ އަކީ މިހާރަކަށް އައިސް ހެނދުނުގެ ނާސްތާ ނުވަތަ ރޭނގަޑުގެ ކެއުމުގެ ބަދަލުގައި މީހުން ބޭނުން ކުރާ ބުއިމެކެވެ. ޞިއްހަތަށް ސަމާލުކަންދިނުމުގެ ގޮތުން މޭވާ އާއި ތަރުކާރީގެ ބާވަތްތަކުން ސްމޫތީ ތައްޔާރުކުރުން މިވަނީ ވަަރަށް އާއްމުވެފައެވެ. މިފަހަރު އާފަތިސް ބަދިގެއިން ތިޔަ ބޭފުޅުންނާ މި ހިއްސާކޮށްލަނީ މަޝްހޫރު ޝެފް، ޖެމީ އޮލިވަރގެ ރެސިޕީ އެކެވެ. މިއީ ހެނދުނުގެ ނާސްތާއަށް ވަރަށް ކަމުދާނެ ރެސިޕީއެކެވެ. މިހާރަކަށް އައިސް ކާޑެމަމް (ކާފުރު ތޮޅި) ސަޔަކީ އޮފީސްތަކުގެ ސައި ކޮޓަރީގައި ވެސް ވަރަށް ހިނގާ ބުއިމެކެވެ. އެހެންކަމުން މިފަހަރު ރެސިޕީ ހޮވުމުގައި ކާފޫރުތޮޅީގެ ރަހަ ހިމެނޭ ބުއިމެެއް ގެނެސްދިނުމަށް ގަސްތުކުރީއެވެ. މިއީ އަޖުމަ ބަލައިލަން ރަނގަޅު ރެސިޕީއަކަށް ވާނެ ކަމުގެ އުއްމީދުގައެވެ.
ބޭނުންވާ ބަވަތްތައް:
2 ޕެއަރ
6 ކާފުރުތޮޅި
500 މިލިލީޓަރު އޯޓް މިލްކް
100 ގުރާމް ޔޯގަޓް
2 ސައިސަމުސާ މާމުއި
ތައްޔާރުކުރާނެ ގޮތް:
ސްމޫތީ ތައްޔާރު ކުރަން ބޭނުންވާ ދުވަހުގެ ކުރީ ރޭ ޕެއަރ އެއްގެ ތޮށި ނޮޅައި، އޮށްތައް ނަގައި ސާފުކުރުމަށް ފަހު އައިސް އަލަމާރީގެ ގަނޑުކުރާ ބައިގައި ބާއްވާށެވެ.
ބުއިން ތައްޔާރު ކުރުމަށް ކާޑެމަން ނުވަތަ ކާފޫރުތޮޅިން އޮށް ނެގުމަށް ފަހު ވަނުން އޮށްތައް ކުޑަކޮށް ޗިސް ކޮށްލާށެވެ.
ޗިސްކުރި ކާފޫރުތޮޅި އޮށާއި، ގަނޑުކުރި ޕެއަރ، އޯޓް މިލްކް، އަދި ޔޯގަޓާއި މާމުއި ބްލެންޑަރަށް އަޅައި ރަނގަޅަށް ގިރެންދެން ބްލެންޑް ކުރާށެވެ.
ދެން ދެ ތަށްޓަށް ހަމަޔަށް ބައިކޮށް ސާރވް ކުރާށެވެ.
ނޯޓް: ސްމޫތީ ތައްޔާރު ކުރުމަށް ގަނޑުކޮށްފައި ހުންނަ މޭވާ ބޭނުންކުރުމުން ސްމޫތީގެ ރަހަ އިތުރަށް މީރުވެ، އައިސް ބޭނުންނުކޮށް ހެޔޮވަރު ވަރަކަށް ފިނިކަން ހުރެއެވެ. މިއީ މާ ބޮޑަށް ދޮންވެފައި ހުންނަ މޭވާ ބޭނުންކުރާން ވަރަށް ރަނގަޅު ގޮތެކެވެ.
