ވިއެޓްނާމުގެ އެންމެ ބޮޑު ރަށުގައި ހިނގި އަލިފާނުގެ ހާދިސާއެއްގައި 13 މީހުން މަރުވެ އެތައް ބަޔަކު ޒަޚަމްވެއްޖެއެވެ.
ދެކުނުގެ ރަށެއްކަމުގައިވާ ހޯޗީމިން ސިޓީގައި ހުންނަ ކަރީނާ ޕްލާޒާ އެޕާޓްމަންޓް ކޮމްޕްލެކްސްގައި ފުރަތަމަ އަލިފާން ރޯވީ ތިރީ ފަންގިފިލާތަކުގައެވެ. އެއަށް ފަހު މަތީ ފަންގިފިލާތަކަށް އަލިފާންގަނޑު ފެތުރުނީއެވެ. އެ ރަށުގެ އިސް މަސްއޫލުވެރިއަކު އޭއެފްޕީއަށް މައުލޫމާތު ދެއްވި ގޮތުގައި، ގިނަ މީހުން މަރުވެފައި ވަނީ ސަލާމަތްވާން ވެގެން މަތީ ފަންގިފިލާތަކަށް އެރުމުން ބޯ ދުމުގެ އަސަރުކޮށް ހާސްވެގެންނެވެ.
"13 މީހަކު ނެގުނު އިރުވެސް ވަނީ މަރުވެފައި. ހަމަ އެއަދަދަށް މީހުން ޒަޚަމްވެފައި ވެސް ވޭ. އެންމެންވެސް މަރުވެފައިވަނީ ހާސްވެގެން." އޭއެފްޕީއަށް މައުލޫމާތު ދެއްވި މަސްއޫލުވެރިޔާ ވިދާޅުވިއެވެ.
އަލިފާން ރޯވި ސަރަހައްދުގައި އަނދާފައިވާ ސައިކަލްތަކާއި، ކާރުތައް ފެންނާން ހުއްޓެވެ.
ރޯވި އިމާރާތުގެ ދެވަނަ ފަންގިފާލާގައި ދިރިއުޅޭ މީހަކު ބުނީ އެމީހުން އެޕާޓްމެންޓްގައި ތިއްބާ ބާރަށް އެއްޗެއް ގޮވި ކަހަލަ އަޑެއް އިވުނު ކަމަށާއި ދެން ފެނުނީ ދުން އަރަން ފެށިތަން ކަމުގައެވެ. "އަހަރުމެން އަވަހަށް ދުވެފައި ބޭރަށް ނުކުތީ. މުޅިތަން އެތީ ދުމުން ފުރިފައި. ދާނެ ކޮޅެއްވެސް ނޭނގުނު. ދެން އަހަރުމެންނަށް ޖެހުނީ ތިރިއަށް ފުންމާލަން." އޭނާ ބުންޏެވެ.
ރޕޯޓުތައް ބުނާގޮތުގައި، ލަފާކުރެވެނީ އަލިފާން ރޯވީ އިމާރާތުގެ ބިމު އަޑީގައި އޮންނަ ކާރު ޕާކްކުރާ ސަރަހައްދުގައި ކަމަށެވެ.
ރޯވި އެމާޓްމަންޓް ކޮމްޕްލެސް އަކީ 15 ފަންގިފިލާއާއި 22 ފަންގިފިލާއާއި ދެމެދުގެ އުސް އިމާރާތްތައް ހިމެނޭ ކޮމްޕްލެކްސް އެކެވެ.
