ދިރާގު ގޭމަރސް ގިލްޑް (ޑީ.ޖީ.ޖީ) އިން އައިފޯން 17 ޕްރޯ މެކްސް އެއް ހޯދުމުގެ ރަނުގެ ފުރުސަތު އިއުލާންކޮށްފިއެވެ.
ޑީ.ޖީ.ޖީއަށް ހަމައެކަނި ސައިން-އަޕްކޮށްލައިގެން ބައިވެރިވެވޭ މި ގިވްއަވޭ މެދުވެރިކޮށް ނަސީބުވެރި އެއް ފަރާތަކަށް އެންމެ ފަހުގެ މުޅިން އައު އައިފޯން 17 ޕްރޯ މެކްސްއެއް ލިބިގެންދާނެއެވެ. ދިރާގު ގޭމަރސް ގިލްޑަށް ސައިން-އަޕް ކުރާނީ dgg.mv މެދުވެރިކޮށެވެ.
މި އަގުހުރި އިނާމު ހޯދުމުގެ ފުރުސަތު 28 ފެބުރުވަރީ 2026ގެ ނިޔަލަށް ވަނީ ހުޅުވައިލައިފައެވެ.
ޑީ.ޖީ.ޖީ އިން ދަނީ ރާއްޖޭގެ ގޭމިންގ ކޮމިއުނިޓީއަށް ހާއްސަ އިނާމުތަކާއި އިތުރު ފުރުސަތުތައް ހޯދައިދިނުމަށް ގިނަ މަސައްކަތްތަކެއް ކުރަމުންނެވެ. އަދި، ޑީޖީޖީއިން ދަނީ ވާދަވެރި މުބާރާތްތައް އަގުހުރި އިނާމުތަކާއެކު ބާއްވައި ރާއްޖޭގެ ގޭމް ކުޅުންތެރިންގެ ހުނަރުތައް އިތުރުކުރުމަށް އެހީތެރިވެދީ، ހުނަރުތައް ދައްކާލުމަށް އިތުރު ޕްލެޓްފޯމްތައް ހޯދައިދެމުންނެވެ.