އެއް ޖިންސުން ގުޅުން ހިންގިކަމަށް ތުހުމަތު ކުރެވޭ އަލަމްގީރްގެ ބަންދުގެ މުއްދަތަށް އިތުރު 15 ދުވަސް ޖަހައިފިއެވެ.
ބަންގްލަދޭޝްގެ އަލަމްގީރްގެ ބަންދަށް 15 ދުވަސް އިތުރުކޮށްފައިމިވަނީ އޭނާގެ ބަންދަށް ކުރިން ކޯޓުން ދިން ފަސް ދުވަސް ހަމަވުމުން މުއްދަތު އިތުރުކުރުމާއިމެދު ގޮތެއް ނިންމުމަށް ކޯޓަށް ހާޒިރު ކުރުމުންނެވެ.
އަލަމްގިރް އާއެކު ގިނަ ދިވެހި ފިރިހެނުން އެއް ޖިންސުން ގުޅުން ހިންގާފައިވާކަމަށް ބައެއް ރިޕޯޓުތައް ބުނެފައިވެއެވެ. އަދި އެ އަމަލުތައް އަލަމްގީރް ވީޑިއޯކޮށް އެ ވީޑިއޯތައް މެދުވެރިކޮށް ބައެއް މީހުން ބްލެކްމެއިލް ކުރިކަމަށް ވެސް ރިޕޯޓްތައް ބުނެއެވެ.
މި މައްސަލައާއި ގުޅިގެން، އަލަމްގިރް އާއި ގާނޫނީ ވަކީލް ނާޒިމް ސައްތާރާއި ރައްޔިތުންގެ މަޖިލީހުގެ ކުރީގެ މެންބަރު މުހައްމަދު ނަޝީދު (ކާނަލް) ގެ ޕާސްޕޯޓު ވަނީ ހިފަހައްޓާފައެވެ.
