ސްރީލަންކާގެ ކުރީގެ ރައީސް ގޮތަބަޔާ ރާޖަޕަކްސަ ރާއްޖެއިން ފުރާވަޑައިގަތުމާއެކު ރައީސް ނަޝީދަށް ހޭފުޅުލެއްވިއްޖެއެވެ.
ލަންކާގައި ހަމަނުޖެހުން ބޮޑުވެ، ރައްޔިތުން ނުކުމެ މުޒާހަރާ ކުރަން ފެށުމުން ގޮތަބަޔާ ރާޖަޕަކްސަ ފިއްލަވައިގެން ރާއްޖެ ވަޑައިގެންނެވުމުން ރާއްޖެއިން ހިމާޔަތް ދިނުމުގައި އިސްކޮށް ހުންނެވީ ރައީސް ނަޝީދު ކަމަށް ގިނަބަޔަކު އައީ ތުހުމަތު ކުރަމުންނެވެ.
އެހެންނަަމަވެސް އެއިން އެއްވެސް ކަމަކަށް އިޖާބަނުދެއްވާ ހުންނެވުމަށްފަހު، ގޮތަބަޔާ ރާއްޖެއިން ފުރާވަޑައިގެން ސިންގަޕޫރަށް ވަޑައިގަތުމުން ރައީސް ނަޝީދު ވަނީ ޓްވީޓެއް ކުރައްވާފައެެވެ.
އެމަނިކުފާނުގެ ޓްވީޓުގައި ރާއްޖެ ވަޑައިގެންނެވި ގޮތަބަޔާ ރާޖަޕްކްޝަޔާއިމެދު ދިވެހި ސަރުކާރުން ކަންތައްކުރި ގޮތަށް، އައްސަރިބަހާއި ސާބަސް ވަނީ ރައްދުކުރައްވާފައެވެ.
ގޮތަބަޔާގެ އިސްތިއުފާގެ ވާހަކަ ހިމެނޭހެން ކުރެއްވި ޓްވީޓެއްގައި ރައީސް ނަޝީދު ވިދާޅުވެފައިވަނީ ގޮތަބަޔާ ލަންކާގައި ހުންނެވިނަމަ އިސްތިއުފާ ނުދެއްވީސްކަމަށް ދެކެލައްވާ ކަމަށެވެ. އަދި ގޮތާބަޔާގެ ފުރާނަފުޅަށް އޮތް ނުރައްކާ އެއީ އެކަމުގެ އެއް ސަބަބު ކަމަށެވެ.
???????? President GR has resigned. I hope Sri Lanka can now move forward. I believe the President would not have resigned if he were still in Sri Lanka, and fearful of losing his life. I commend the thoughtful actions of the Govt of Maldives. My best wishes to the people of Sri Lanka.
— Mohamed Nasheed (@MohamedNasheed) July 14, 2022
ގޮތަބަޔާ ގައުމުން ފިއްލަވައިގެން މި މަހުގެ 12 ވަނަ ދުވަހުގެ ރޭ ދަންވަރު ރާއްޖެ ވަޑައިގެންނެވީ އަސްކަރީ މަތިންދާ ބޯޓެއްގައެވެ.
އޭރު އެ ގައުމުުގެ ހާލަތު ވަނީ ބޮއްސުންލާފައެވެ. އަދި އާންމުން ނިކުމެ އެމަނިކުފާނުގެ އޮފީސް ވެސް ވަނީ ހިސޯރުކޮށްފައެވެ.