ރައީސުލްޖުމްހޫރިއްޔާ އިބްރާހިމް މުޙައްމަދު ސާލިޙާއި އަނބިކަނބަލުން ފަޒުނާ އަޙްމަދު މާލެއަތޮޅު މާފުއްޓަށް ވަޑައިގެންފިއެވެ.
މިއީ މިއަހަރުގެ ފިޠުރު ޢީދު ފާހަގަ ކުރުމަށް އެރަށުގައި ބާއްވާ ބައެއް ހަރަކާތްތައް ބައްލަވާލެއްވުމަށް ކުރައްވާ ދަތުރުފުޅެކެވެ.
ރައީސްގެ ދެކަނބަލުންނަށް މަރުހަބާ ދެންނެވުމަށް ގިނަ އަދަދެއްގެ ބަޔަކު މާފުށީ ބަނދަރު ސަރަހައްދަށް ޖަމާވެފައިވާއިރު، ރައީސް ވަނީ މަރުހަބާ ދަންނަވަން ބަނދަރަށް އެއްވެ ތިބި މީހުންނާ ސަލާމްކޮށް ފޮޓޯ ނަންގަވާފައެވެ.
މި ދަތުރުފުޅުގައި މެންދުރު ފަހު އޮތް ސަގާފީ ޖަފާތެއްގައާއި ކުޑަކުދިންގެ ހަވީރުގައި ރައީސްގެ ދެކަނބަލުން ވަނީ ބައިވެރިވެވަޑައިގެންފައެވެ.
އެރަށުގައި ޢީދު ފާހަގަކުރުން ބޮޑު ޖަމާޢަތުގައި ޢީދު ނަމާދުން ފަށާފައިވާއިރު، ދުވަހުގެ މުނާސަބަތުގައި ބޭއްވި ހެނދުނުގެ ސައެއް ވެސް ވަނީ ބާއްވާފައެވެ.
ކޮވިޑް ބަލީގެ ސަބަބުން ދެއަހަރުގެ މެދުކެނޑުމަކަށްފަހު، ފިޠުރު ޢީދު ފާހަގަކުރަމުން އަންނައިރު، އީދާ ދިމާކޮށް މާފުއްޓަށް ދެހާހަަށް ވުރެ ގިނަ މީހުން ވަނީ ގޮސްފައެވެ. އަދި ރާއްޖޭގެ އެހެން ރަަށްރަަށަށް ވެސް ގިނަ ބަޔަކު ވަނީ ގޮސްފައެވެ.
