ތުރުކީގައި ދެވޭ އެންމެ ކުޑަ އުޖޫރަ (މިނިމަމް ވޭޖް) %50 އިތުރުކުރުމަށް އެގައުމުގެ ރަައީސު ރަޖަބް ޠައްޔިބް އެރްދޮޣާން ނިންމަވައިފިއެވެ. މި ފަޔަވަޅު އެޅުއްވީ އެގައުމުގެ ފައިސާ، ލީރާގެ އަގު ވަރަށް ބޮޑަށް ވެއްޓި އަގުތައް އުފުލެމުން ދިއުމުގެ ސަބަބުން އާމްދަަނީ ދަށް އާއިލާތަކަށް ކުރިމަތިވެފައިވާ ދަތިކަމަށް ލުުޔެއް ހޯދައިދިނުމުގެ ގޮތުންނެވެ. މި ނިންމެވުމަށް އަމަލުކުރުމަށް ހަމަޖެހިފައިވަނީ 2022 ވަނަަ އަހަރުގެ ޖަނަވަރީ މަހުން ފެށިގެންނެވެ.
ރައީސު އެރްދޮޣާންގެ ނިންމެވުމާއެކު އަންނަ ޖަނަވަރީ މަހުން ފެށިގެން ތުރުކީގައި ދެވޭނެ އެންމެ ކުޑަ އުޖޫރައަކީ މަހަކު 4250.00 ލީރާއެވެ. އެއީ މިހާރު ލީރާގެ އެކްސްޗޭންޖް ރޭޓަށް ބަލާއިރު 275.40 އެމެރިކާ ޑޮލަރެވެ. މިހާރު ދެމުން އަންނަ އެެންމެ ކުޑަ އުޖޫރައަކީ 2826.00 ލީރާ (182 ޑޮަލަރު) އެވެ.
2021 ވަނަ އަހަރު ފެށުނު އިރު ޑޮލަރުގެ ނިސްބަތުން ބަލާއިރު، 2826.00 ތުރުކީ ލީރާއަކީ 380 އެމެރިކާ ޑޮލަރެވެ. އެހެންނަމަވެސް ލީރާގެ އަގު ހިފެހެއްޓުމެއް ނެތި ދަށްވަމުން ދިއުމުގެ ސަބަބުން އެ އަަދަދު މިވަނީ 182 ޑޮލަރަށް ދަށްވެފައެވެ.
"އެންމެ ކުޑަ އުޖޫރަ %50 ބޮޑުވެެގެން ދާނެ. މިއީ 50 އަހަރުގެ ތެރޭގައި ބޮޑުކުރެވޭ އެންމެ މަތީ އަދަދު." ރައީސު އެރްދޮޣާން ވިދާޅުވިއެވެ.
"އަހަރެން ގަބޫލުކުރާ ގޮތުގައި، އަގުތައް މަތިވެގެން ދާއިރު، އަަހަރުމެންގެ މުވައްޒަފުން ފިތިގެން ދިއުމަށް ދޫކޮށްނުލުމަށް އަަހަރުމެން އަޒުމު ކަނޑައަޅަައިގެން ތިިބިކަން މި ބޮޑުކުރުމާއެކު ހާވެގެން ހިގައްޖެ..... މިހާރު ބައެއް ދަތިތައް އެބަހުރި. ވީހާ އަހަވަހަކަށް އަހަރުމެން އެ ދަތިތަކުން އަރައިގަންނާނަން." އޭނާ އިތުރަށް ވިދާޅުވިއެވެ.
ތުރުކީގެ ސޯޝަލް ސެކިއުރިޓީ އިންސްޓިޓިއުޝަން (އެސްޖީކޭ) ގެ ހިސާބުތަކުން ދައްކާގޮތުގައި، ތުރުކީގައި ވަޒީފާ އަދާކުރާ މީހުންގެ %40 މީހުންނަކީ އެންމެ ކުޑަ އުޖޫރަ ލިބޭ މީހުންނެވެ.
މިހާރު ތުރުކީގެ އިންފްލޭޝަން ރޭޓް %21 ގައި ހުރިއިރު، އިންފްލޭޝަން ދަށްކުރުމަށް އެގައުމުގެ މަރުކަޒީ ބޭންކުން ދަނީ އިންޓަރެސްޓް ރޭޓް ދަށްކުރަމުންނެެވެ. އިންޓަރެސްޓް ރޭޓް ދަށްކުރުމުން ލީރާގެ އަގު ދަނީ ދަށްވަމުންނެވެ. ހުޅަނގުގެ އިގުތިސާދީ އުސޫލުތައް ބުނާގޮތުން އިންފްލޭޝަނާއެކު ފައިސާގެ އަގު ހިފެެހެއްޓޭނީ އިންޓަރެސްޓް ރޭޓް ދަށްކޮށްގެންނެެވެ.
އެހެންނަމަވެސް، ރައީސު އެރްދޮޣާން ވިދާޅުވަމުން ގެންދަވަނީ އިންޓަރެސްޓް ރޭޓް ދަށްކުރުމުން އިންފްލޭޝަން ދަށްވެ، އިގުތިސާދީ ދުވެލި ހަލުވިވެ، އެކްސްޕޯޓް މަތިވެ، ވަޒީފާތައް އުފެދޭނެ ކަމުގައެވެ. ފާއިތުވި ދެ އަހަރުގެ ތެރޭގައި ރައީސު އެރްދޮޣާން ވަނީ ތުރުކީގެ މަރުކަޒީ ބޭންކް، ސެންޓްރަލް ބޭންކް އޮފް ދަ ރިޕަބްލިކް އޮފް ޓާރކީ (ސީބީއާރްޓީ) ގެ ތިން ގަވަރުނަރުން މަގާމުން ވަކިކުރައްވާފައެވެ.
ރައީސު އެރްދޮޣާން ގަބޫލުފުޅުކުރައްވާ ގޮތުގައި ބޭރު ގައުުތަކުންނާއި، ތުރުކީގައި ތިބި އެގައުމުގެ އެޖެންޓުން ދަނީ ރާވައިގެން ތުރުކީގެ އިގުތިސާދު ހަލާކުކުރަމުންނެވެ.
