ރާއްޖެއިން އިތުރު 318 މީހުން ކޮވިޑް-19އަށް ޕޮޒިޓިވް ވެއްޖެއެވެ.
ވޭތުވެދިޔަ 24 ގަޑިއިރުގެ ތަފާސްހިސާބުތަކަށް ބަލާއިރު އިއްޔެގެ އިރުއޮއްސި 6:00އިން ފެށިގެން މިއަދު އިރުއޮއްސި 6:00އާ ހަމައަށް ރާއްޖެއިން ޕޮޒިޓިވްވި 318 މީހުންގެ ތެރޭގައި ހިމެނެނީ މާލެ ސަރަޙައްދުން 142 މީހުން ޕޮޒިޓިވްވެފައިވެއެވެ. އަދި އަތޮޅުތަކުގެ ރަށްރަށުން 130 މީހުން ވަނީ ޕޮޒިޓިވްވެފައެވެ. މީގެއިތުރުން، ރިސޯޓްތަކުން 33 މީހަކު ވަނީ މިރޭ ޕޮޒިޓިވްވެފައެވެ. އަދި ސިނާޢީ ރަށްރަށުން 4 މީހުން ވަނީ ޕޮޒިޓިވްވެފައެވެ. މީގެއިތުރުން ސަފާރީތަކުން 8 މީހަކާއި ހަދަމުންދާ ރިޒޯޓަކުންވެސް ޕޮޒިޓިވްވި މީހަކުވެެސް މިރޭ ޕޮޒިޓިވް މީހުންގެތެރޭގައި ހިމެނެއެވެ.
ރާއްޖެއިން ކޯވިޑް-19އަށް ޕޮޒިޓިވްވި މީހުންގެ ޖުމުލަ ޢަދަދު މިހަރު ވަނީ 29،370 އަށް އަރާފައެވެ. މިވަގުތު ކޯވިޑް-19އަށް ފަރުވާ ހޯދަމުންދާ މީހުންގެ ޢަދަދު ވަނީ 4،585އަށް އަރާފައެވެ. އަދި އެޑްމިޓްކޮށްގެން 134 މީހަކަށްދަނީ ފަރުވާ ދެމުންނެވެ.
ފާއިތުވި 24 ގަޑިއިރުގެ ތެރޭގައި ކޯވިޑް-19އަށް ޓެސްޓްކުރުމަށްޓަކައި 2،556 ސާމްޕަލެއް ވަނީ ނަގާފައެވެ. މިބަލީގައި މިހާތަނަށް ރާއްޖެއިން ނިޔާވި މީހުންގެ ޢަދަދުވަނީ 73 އަށް އަރާފައެވެ. އެއީ 64 ދިވެހިންނާއި 9 ބިދޭސީންނެވެ.
