މިއަދު ފުލުހުން ހިންގި ހާއްސަ އޮޕަރޭޝަންގައި އަތުލައިގަތް 71 ކިލޯގެ މަސްތުވާތަކެތީގެ މަގުމަތީގެ އަގު 71 މިލިއަން ރުފިޔާއަށް އަރާނެކަމަށް ކޮމިޝަނަރ އޮފް ޕޮލިސް މުޙައްމަދު ޙަމީދު ވިދާޅުވެއްޖެ އެވެ.
Seized approximately 71 kgs of heroin that would have a street value of MVR 71 million. Here is a photo of 4 packets out of 71 we found in 4 bags in the car. Despite deficiencies in the criminal justice system, we will continue to disrupt the trafficking of narcotic drugs. pic.twitter.com/HpoBR3V1RV
— Mohamed Hameed (@M_Hameedh) December 8, 2020
ޕޮލިސް ކޮމިޝަނާ މުޙައްމަދު ޙަމީދު މިރޭ ކުރެއްވި ޓުވީޓެއްގައި ވިދާޅުވީ ފުލުހުން ހިންގި އޮޕަރޭޝަންގައި ކާރެއްގެ ތެރެއިން ހޯދައިފައި ވަނީ 71 ކިލޯގެ ހެރޮއިން ކަމަށެވެ. ފަރީދީމަގުގެ ބޮޑު ސަރަހައްދެއް ބަންދުކޮށް ފުލުހުން މިއަދު ހިންގި އޮޕަރޭޝަނެއްގައި ކާރެއްގެ ޑިކީ ތެރެއިން ދެ ގޯންޏާއި ދެ ލަގޭޖެއްގައި ހުރި 71 ކިލޯގެ ޑްރަގު ވަނީ އަތުލައިގެންފައެވެ. ފުލުހުންގެ އޮޕަރޭޝަންގައި އަތުލައިގަތް މަސްތުވާތަކެއްޗާ ބެހޭ މައުލޫމާތު ސީޕީ ޓުވީޓް ކޮށްފައިވަނި އަތުލައިގަތް މަސްތުވާތަކެތީގެ ތެރެއިން ހަތަރު ޕެކެޓް މަސްތުވާ ތަކެއްޗާއި މަސްތުވާތަކެތި އަތުލައިގަތް ކާރުގެ ފޮޓޯއާ އެކުގައެވެ. ސީޕީގެ ޓުވިޓް ނިންމާލަމުން ވިދާޅުވީ ޖިނާއީ އަދުލުގެ ނިޒާމުގައި ހުރި ގޮންޖެހުންތަކާ އެކުވެސް، ޑްރަގް ޓްރެފިކް ކުރުން ހުއްޓުވުމަށް ފުލުހުން ހުއްޓުމެއް ނެތި މަސައްކަތް ކުރާނެ ކަމަށެވެ.
