ކޯވިޑް-19 އަށް މިއަދު ރާއްޖެއިން ޕޮޒިޓިވްވީ 129 މީހުންނެވެ. އެއީ 93 ދިވެހިންނާއި ބަނގްލާދޭޝްގެ 23 މީހުންނާއި އިންޑިއާގެ 8 މީހުންނާއި ސްރީ ލަންކާގެ 4 މީހުންނާއި އިންޑޮނޭޝިއާގެ މީހެކެވެ. މިއަދު ޕޮޒިޓިވްވީ 129 މީހުންގެ ތެރެއިން 2 މީހުންނަކީ އަތޮޅުތަކުން ޕޮޒިޓިވްވީ ދެމީހުންނެވެ.
މިހާރުގެ ޖުމުލަ އަދަދުތަކަށް ބަލާއިރު މިހައިތަނަށް ރާއްޖެއިން ކޯވިޑަށް ޕޮޒިޓިވްވެފައި ވަނީ 4293 މީހުންނެވެ. އޭގެ ތެރެއިން މި ވަގުތު ބަލި ޖެހިފައި ތިބީ 1490 މީހުންނެވެ. ބަލި ޖެހިފައި ފަސޭހަނުވެ މީހުންގެ ތެރެއިން 1-013 މީހުން ތިބީ އައިސޮލޭޝަން ފެސިލިޓީތަކުގައެވެ. 92 މީހުން ތިބީ ހަސްފަތާލުގައެވެ. ބަލީގައި ރާއްޖެއިން މަރުވީ 18 މީހުންނެވެ.
އަތޮޅުތަކަށް ބަލާއިރު މިހާރު ވަނީ 7 އަތޮޅެއްގެ 13 ރަށަކުން ކޯވިޑް-19 އަށް މީހުން ޕޮޒިޓިވް ވެފައެވެ. އެއީ ހއ. ކެލަޔާއި އިހަވަންދުއާއި، ނ. ސޮނެވާ ޖާނީއާއި، ރ. އިނގުރައިދުއާއި، ބ. އޭދަފުށްޓާއި ހިތާދުއާއި ތުޅަދުއާއި ކަމަދުއާއި ސީސައިޑް ފިނޮޅާއި، ޅ. ކުރެންދުއާއި ހިންނަވަރާއި، ކ. މާފުށްޓާއި، ވ. ފުލިދުއެވެ.
