ރާއްޖޭގައި ކޯވިޑް ޖެހޭ މީހުންގެ ބޭސްލައިނަކީ ތިރީސް-ސާޅީސް ކަމަށް ލަފާކުރެވޭ ކަމަށް ޑރ. އަފްޒަލް ވިދާޅުވެއްޖެއެވެ. ޑރ. އަފްޒަލް މިހެން ވިދާޅުވީ ރާއްޖޭގައި މިހާރު ބަލިޖެހޭ މީހުންގެ އަދަދު މަދުނުވެ ތިރީސް-ސާޅީހުގައި ހިފހެއްޓިފައިވާތީ އެކަމާ ގުޅިެގން ނޫސްވެރިއަކު ކުރެއްވި ސުވާލަކަށް ޖަވާބު ދެއްވަމުންނެވެ.
އަދަދުތައް މަދުނުވާ ކަމަށް ވިދާޅުވެ ކުރެއްވި ސުވާލަށް ޖަވާބު ދެއްވަމުން ޑރ. އަފްޒަލް ވިދާޅުވީ ތިރީސް-ސާޅީހަކީ ރާއްޖޭގެ ބޭސްލައިންކަމަށް ލަފާކުރެއްވޭ ކަމަށެވެ. އެއީ ރާއްޖޭގެ އާބާދީއަށް ބަލާއިރު ގިނަ އަދަދެއް ނޫން ކަމަށް ޑޮކްޓަރު ވިދާޅުވިއެވެ. ޑރ. އަފްޒަލް ވިދާޅުވީ މިއީ މިކަހަލަ ބަލިތައް ފެތުރޭ އިރު ފެނުން އެކަށީގެންވާ އަދަދެއް ކަމަށެވެ.
މިހާރު އަލަށް ފެންނަ ކްލަސްޓަރ ތަކުގެ ސައިޒު ކުޑަކަން ޑރ. އަފްޒަލް ފާހަގަކުރެއްވިއެވެ. އަދި މިހާރު ބަލި ފެންނަނީ ބަލީގެ އަލާމާތް ހުންނަ މީހުންގެ ކަމަށް އަފްޒަލް ވިދާޅުއެވެ. އެއީ އަލާމާތް ފެންނަ މީހުން ޓެސްޓުކުރާތީ ކަމަށް ވެދާނެ ކަމަށް ޑރ. ވިދާޅުވިއެވެ.
